مردان کاٹلنگ کے علاقے آلو قاسمی میں شدید طوفان کے باعث چلتی ہوئی گاڑی پر درخت گرنے کے نتیجے میں ایک شخص جاں بحق جبکہ دو افراد شدید زخمی ہو گئے، ریسکیو 1122 کے مطابق حادثہ شدید طوفان کے باعث سامنے آیا،اطلاع موصول ہونے پر ریسکیو1122 ایمبولینس اور میڈیکل ٹیم موقع پر پہنچ گئی۔ریسکیو1122 میڈیکل ٹیم نے ابتدائی طبی امداد فراہم کرتے ہوئے ٹی ڈی ایچ منتقل کر دیا۔ حادثے میں ناصر خان عمر 53 سال جانبحق، جبکہ زخمیوں میں 35 سالہ جان محمد اور 42 سالہ گل محمد شامل ہیں۔
