ننکانہ صاحب (باغی ٹی وی)مرکزی مسلم لیگ میڈیا سیل کی جانب سے باغی ٹی وی نامہ نگار احسان اللہ ایاز کو شاندار صحافتی خدمات پر اعزازی شیلڈ
تفصیل کے مطابق پاکستان مرکزی مسلم لیگ میڈیا سینٹرل پنجاب کی جانب سے باغی ٹی وی کے نامہ نگار احسان اللہ ایاز کو ان کی شاندار صحافتی خدمات کے اعتراف میں اعزازی شیلڈ سے نوازا گیا۔ یہ اعزاز انہیں ضلع ننکانہ صاحب میں پارٹی کی سرگرمیوں کی بھرپور اور مستند کوریج کرنے پر دیا گیا۔
تقریب میں حافظ طلحہ سعید، تابش قیوم اور دیگر معزز مہمان موجود تھے جنہوں نے احسان اللہ ایاز کی غیر جانبدار اور پیشہ ورانہ رپورٹنگ کو سراہتے ہوئے کہا کہ وہ صحافت کے میدان میں ایک مثبت مثال ہیں۔ اس موقع پر صحافتی حلقوں نے بھی احسان اللہ ایاز کو شیلڈ ملنے پر مبارکباد پیش کی اور ان کی صحافتی خدمات کو خراجِ تحسین پیش کیا۔