گوجرخان : دو معروف صحافی نامعلوم لینڈ کروزر کی زد میں آکر شہید

گوجرخان باغی ٹی وی ( نامہ نگار شیخ ساجد قیوم ) پوٹھوار پریس کلب گوجرخان کے ممبر و سینیئر صحافی شیخ صلاح الدین اور نائب صدر سخاوت حسین مغل اتوار کی شب گوجرخان جی ٹی روڈ پر لاھور سے راولپنڈی کی جانب جانب جانے والی برق رفتار لینڈ کروزر کی زد میں آکر جاں بحق ہو گئے المناک حادثہ میں دونوں صحافی موقع پر ھی دم توڑ گئے تفصیلات کے مطابق شیخ صلاح الدین اور سخاوت حسین مغل ایک شادی کی تقریب میں شرکت کے بعد موٹرسائیکل پر سوار ہو کر گوجرخان شہر کی جانب جا رہے تھے کہ شیل پیٹرول پمپ کے سامنے لاھور سے راولپنڈی کی جانب جانے والی انتہائی تیز رفتار لینڈ کروزر نے انہیں عقب سے ٹکر مار دی ٹکر کے باعث دونوں موٹرسائیکل سوار لینڈ کروزر کے نیچے آکر موقع پر جاں بحق ہو گئے حادثے کا مرتکب ڈرائیور گاڑی سمیت موقع سے فرار ہونے میں کامیاب ہو گیا حادثہ کے فوری بعد 1122کی ریسکیو ٹیم موقع پر پہنچ گئی دونوں نعشوں کو تحصیل ھیڈ کوارٹر ہسپتال گوجرخان پہنچایا گیا گوجرخان پولیس بھی اطلاع ملنے پر جائے حادثہ پر پہنچی مزید تفصیلات کے مطابق حادثہ لینڈ کروزر کے ڈرائیور کی لاپرواہی اور انتہائی تیز رفتاری کے باعث رونما ھوا حادثہ کی اطلاع ملنے پر شہریوں کی بڑی تعداد ھسپتال پہنچ گئی