مریم نواز نے نیب میں پیشی کے دوران نیب حکام سے کافی مانگ لی ،کہا میں کافی پینا چاہتی ہوں

باغی ٹی وی کی رپورٹ کے مطابق مریم نواز نیب میں پیش ہوئی، مریم نواز نے نیب پیشی کے دوران نیب حکام سے کافی مانگی جس پر نیب کی جانب سے انہیں کافی پیش کی گئی .

مریم نواز کو نیب نے کہا کہ آپ کو سمن بھیجے گئے تھے کوئی جواب نہیں دیا، جس پر مریم نواز نے کہا کہ مجھے زیادہ وقت چاہئے تھا.

مریم نواز نیب میں پیش، کتنے کارکنان نیب دفتر کے باہر موجود تھے؟ اہم خبر

نیب کے مطابق چوہدری شوگر ملز کیس میں سب سے بڑی شیئر ہولڈر مریم نواز ہیں، چوہدری شوگر ملز میں مریم نواز 1 کروڑ 24 لاکھ 14 سو 55 شیئرز کی مالک ہیں۔ سعید سیف الجبر بن سعودی کی جانب سے مریم نواز کو 94 لاکھ شیئرز منتقل ہوئے۔ شیخ زکاء الدین نے 20 لاکھ 17سو شیئر مریم نواز کو منتقل کئے جبکہ ہانی احمد جمجون نے بھی کچھ شیئر مریم نواز کو منتقل کئے تھے۔

مریم نواز نیب پیشی کے بعد اسلام آباد روانہ ہو گئی ہیں جہاں وہ آج شام اپوزیشن کے سینیٹ کے امیدوار میر حاصل بزنجو کی جانب سے دئیے گئے عشائیہ میں شرکت کریں گی ، حاصل بزنجو نے مریم نواز کو گزشتہ روز فون کر کے دعوت دی تھی، مریم نواز اپوزیشن جماعتوں کے قائدین سے بھی ملاقات کریں گی.

مریم نواز کا اگلا جلسہ کب اور کہاں ہو گا؟ اعلان ہو گیا

واضح رہے کہ مریم نواز کی نیب پیشی کے موقع پر مسلم لیگ ن کے ایک درجن کارکنان کی تعداد نیب دفتر کے باہر موجود تھی جنہوں نے مریم نواز کی گاڑی پر پھول پھینکے اور مریم نواز کے حق میں نعرے لگائے