لاہور میں یوم آزادی کے موقع پر پرچم کشائی کی مرکزی تقریب منعقد ہوئی جس میں وزیرِ اعلیٰ پنجاب مریم نواز نے بطور مہمانِ خصوصی شرکت کی۔ صوبائی و ضلعی اعلیٰ حکام سمیت بڑی تعداد میں شرکاء بھی موجود تھے۔
تقریب سے خطاب میں مریم نواز نے معرکہ حق میں بھارت کو شکست دینے پر پاک فوج کو خراج تحسین پیش کرتے ہوئے کہا کہ ہمیں اپنی بہادر مسلح افواج پر فخر ہے، جنہوں نے دشمن کو منہ توڑ جواب دے کر قوم کا سر فخر سے بلند کیا۔ ان کے مطابق بھارت کے خلاف تاریخی کامیابی سے دنیا کے نقشے پر ایک نیا پاکستان ابھرا۔وزیراعلیٰ پنجاب نے کہا کہ آج کا دن خصوصی طور پر شہداء اور افواجِ پاکستان کے نام ہے، جنہوں نے جانوں کی قربانی دے کر وطن کی حفاظت کی۔ وہ افواجِ پاکستان کے تمام افسران، قیادت اور سپاہیوں کو دل کی گہرائیوں سے سلام پیش کرتی ہیں۔
انہوں نے عوام سے وعدہ کیا کہ زندگی میں بہتری لانے کے لیے کوئی کسر نہیں چھوڑی جائے گی، اور ملکی ترقی کیلئے فتنہ و فساد پھیلانے والی ذہنیت کے خلاف جنگ جیتیں گے۔ مریم نواز نے کہا کہ نواز شریف نے ایٹمی دھماکوں سے ملکی دفاع کو ناقابلِ تسخیر بنایا، اور فیلڈ مارشل عاصم منیر کی جرأت مندانہ قیادت بھی خراجِ تحسین کی مستحق ہے۔
وزیراعلیٰ پنجاب نے ہر شعبہ زندگی کے افراد سے اپیل کی کہ سیاسی مخالفت کو ایک طرف رکھ کر ہمیشہ وطن کو مقدم رکھیں۔ ان کا کہنا تھا کہ پاکستان ہمیشہ قائم و دائم رہے گا اور یہ ملک ہمیں بے شمار قربانیوں کے بعد نصیب ہوا ہے۔
شمالی غزہ میں اسرائیلی بمباری، 90 سے زائد فلسطینی شہید
کراچی اور حب میں ڈوبنے کے واقعات، 5 افراد کی تلاش جاری
کویت میں زہریلی شراب سے13 ہلاک، 21 نابینا
سرن ویلی میں طغیانی، 1300 سیاح محفوظ مقام پر منتقل، قراقرم ہائی وے بند
