فش ٹریڈنگ میں ترقی کےلیے مریم اورنگزیب نے دیئے محکمہ فشریز کو نئے ٹاسک

وزیراعلیٰ پنجاب مریم نواز شریف کی خصوصی ہدایت پر سینئر صوبائی وزیر پنجاب مریم اورنگ زیب کی زیرصدارت اہم اجلاس ہوا،

صوبے میں فش ٹریڈنگ میں ترقی کےلیے محکمہ فشریز کو نئے ٹاسک سونپ دیئے گئے،وزیراعلی پنجاب مریم نواز شریف کے ویژن کے مطابق فش فارمنگ اور شرمپس کی پیداوار بڑھانے کے لیےجامع پلان طلب کر لیا گیا، اجلاس میں نئے پراجیکٹس کے لیے مختلف ماڈلز ،ٹائم لائن، کاسٹنگ اور فوائد و نقصانات بارے تجاویز زیرغور آئیں، فش فارمنگ میں کامیاب ہمسایہ ممالک سمیت سنگاپوراور ٕیواے ای کا ڈیٹا اکٹھا کرنے کی ہدایت کی گئی ،

سینئر صوبائی وزیر مریم اورنگزیب کا کہنا تھا کہ پنجاب کو ہرشعبے میں ترقی سے ہمکنار کرنا وزیراعلیٰ پنجاب مریم نواز شریف کا مشن ہے۔ پیداوار میں اضافے کے لیے دوسرے ممالک اور فش فارمنگ کرنے والی پاکستانی کمپنیوں کے ایکسپرٹس سے ملاقاتیں کی جاٸیں گی، وزیراعلیٰ پنجاب مریم نواز شریف صوبے میں فش فارمنگ و ٹریڈنگ سے زرمبادلہ میں اضافے کے لیے پرعزم ہیں،مریم نواز شریف کی ہدایت پر شرمپس کی پیداوارمیں اضافے کے لیے پراجیکٹس لاۓجارہے ہیں،ان مقاصد کے لیے بین الاقوامی سطح کی بہترین ٹیکنالوجیز کو استعمال میں لایا جاۓ گا، وزیراعلیٰ پنجاب کی ہدایت کے تحت زیادہ پیداوار کے حامل ہمسایہ ممالک سے مشاورت اور فنی معاونت حاصل کی جاۓ گی ،مریم نواز شریف کے ویژن کے مطابق ڈویلپمنٹ آف شرمپس ایکواکلچران سیلاٸن اینڈ بریکش ایریاز آف پنجاب کے پراجیکٹ کا آغاز کیا جاۓ گا۔ اسطرح ناقابل کاشت بنجر ، نمکین اور کڑوے پانیوں والی اراضی پر شرمپس فارمنگ کی جاۓ گی۔ جھینگوں اور مچھلی کی فارمنگ کے نٸے پراجیکٹس سے روزگار اور آمدن کے مواقع پیدا ہونگے۔ مریم نواز شریف کے ویژن کے مطابق مچھلی کی پیداوار بڑھانے سے غذائی قلت پر کنٹرول بھی ممکن ہوسکے گا۔