مریم اورنگزیب دکان چمکانے کے لیے کس چیز کا سہارا لے رہی ہیں؟ شہباز گل نے بتا دیا

وزیراعلیٰ پنجاب کے ترجمان شہباز گل نے کہا ہے کہ مریم اورنگزیب سیاسی دکان چمکانے کے لیے ڈینگی کا سہارا لینے پر مجبور ہو چکی ہیں ،

باغی ٹی وی کی رپورٹ کے مطابق شہباز گل کا کہنا تھا کہ عوام شہبازشریف کی کرپشن،کمیشن وصولی اورلوٹ مارکویاد کرتے ہیں ،عوام سلمان شہباز اور علی عمران سے لوٹی ہوئی دولت کی واپسی کے منتظر ہیں ،رانا مشہود پر اربوں کی کرپشن پر وعدہ معاف گواہ عدالت میں پیش ہوا ،

وزیراعظم عمران خان کا سعودی ولی عہد سے ٹیلی فونک رابطہ

شہباز گل نے مزید کہا کہ پنجاب حکومت ڈینگی کے خلاف بھرپور اقدامات کررہی ہے،پنجاب کے تمام اضلاع میں ڈینگی کنٹرول یونٹ اور عملہ متحرک ہے،

واضح رہے کہ مسلم لیگ ن کی ترجمان مریم اورنگزیب نے کہا تھا کہ ڈینگی کے تدارک اور بچاو کے لئے شہبازشریف کے قائم کردہ نظام پر عمل ہوتا تو آج یہ نہ ہوتا ،اگر پنجاب میں ڈینگی پہ قابو پانے کے لئے سنجیدہ اقدامات نہ کئے گئے تو دوسرے صوبے بھی اِس نالائقی سے متاثر ہوں گے .بغض اور حسد میں شہبازشریف کے تمام منصوبے ختم کردئیے گئے اور لوگوں کی جانوں سے کھیلا جا رہا ہے ،نالائق حکمران ڈینگی پر قابو پانے میں بھی شہبازشریف دور کے معیار پر پورا نہ اتر سکے