مریم سندھ کو دے دیں، مُراد علی شاہ پنجاب کو دے دیں، یہ بات میں نے مذاق میں کہی تھی، مریم کون سا وہاں کارکردگی کے جھنڈے گاڑ رہی ہیں.
باغی ٹی وی کےمطابق گزشتہ روز وزیر اعلیٰ سندھ کو پنجاب کو دینے اور مریم نواز کو سندھ لانے کے بیان پر تاجر رہنما عتیق میر نے وضاحت کر دی۔عتیق میر کا کہنا تھا کہ مریم نواز کو سندھ کو دینے کی بات میں نے مذاق میں کہی تھی، میں نے کسی بلدیاتی کارکردگی کے حوالے سے یہ بات نہیں کہی تھی کیونکہ مریم نواز کون سا وہاں کارکردگی کے جھنڈے گاڑھ رہی ہیں۔تاجر رہنما کا مزید کہنا تھا مریم نواز کا معاملہ بھی اپنے باپ اور چچا جیسا ہی ہے کہ “ساڈے کام نہ ویکھو ساڈیاں آنیاں جانیاں ویکھو”، (ہمارے کام نہ دیکھو بس ہمارا آنا اور جانا دیکھو)۔
واضح رہے کہ گزشتہ روز وفاقی وزیر برائے منصوبہ بندی احسن اقبال نے کراچی میں تاجروں سے ملاقات کی تھی جس دوران تاجر رہنما عتیق میر نے ان سے درخواست کی تھی کہ کچھ عرصے کیلئے مریم نواز ہمیں دیدیں اور مراد علی شاہ آپ رکھ لیں۔
کیٹی بندر پورٹ،سندھ حکومت کی وفاق سے این او سی کی درخواست
کراچی : 26 دنوں میں چار افراد اندھی گولیوں کا نشانہ بنے
