مریم نواز، یہی کرنا تھا تو ووٹ کو عزت دینے کا دعویٰ کیوں کیا تھا؟عفت عمر

سینئر اداکارہ و ماڈل عفت عمر نے اپنے پسندیدہ سیاسی رہنما، وزیرِ اعلیٰ پنجاب مریم نواز شریف کے حوالے سے اپنی مایوسی کا اظہار کیا ہے۔

عفت عمر معروف شخصیت جو کہ حالاتِ حاضرہ اور سیاست پر اپنے بے باک رائے کے لیے جانی جاتی ہیں، نے حال ہی میں مائیکرو بلاگنگ ویب سائٹ "ایکس” پر ایک نیا پیغام شیئر کیا۔عفت عمر نے اپنے پیغام میں بتایا کہ ان سے بہت سے لوگ انباکس میں سوال کرتے ہیں کہ انہوں نے سیاست پر اپنی رائے دینا کیوں چھوڑ دیا ہے۔ اس سوال کے جواب میں اداکارہ نے لکھا کہ حکومت کے ساتھ اپنے ذاتی تجربے کے بعد وہ سمجھتی ہیں کہ اب سیاست کا کوئی فائدہ نہیں رہا، اور یہ اب ختم ہو چکی ہے۔

https://x.com/OmarIffat/status/1907852271028940898

انہوں نے مزید کہا کہ ان کے خیال میں تحریکِ انصاف کے خلاف واحد وجہ یہ ہے کہ پی ٹی آئی اپنی ناکامی کو تسلیم نہیں کرتی۔ عفت عمر نے اپنے ٹوئٹ میں مسلم لیگ ن اور وزیرِ اعلیٰ پنجاب مریم نواز شریف کی حامی ہونے کے باوجود، مریم نواز کو مخاطب کرتے ہوئے لکھا، "مریم نواز، اگر آپ نے یہی کرنا تھا تو پہلے ہی کر لیتیں، آپ نے ووٹ کو عزت دینے کا دعویٰ کیوں کیا تھا؟”اداکارہ نے اپنے پیغام میں یہ بھی کہا کہ مریم نواز شریف نے گزشتہ چند برسوں میں اپنی سیاست کا خود ہی خاتمہ کر لیا ہے، جس پر انہیں شدید مایوسی ہوئی ہے۔ عفت عمر نے اس پر زور دیتے ہوئے کہا کہ اقتدار میں آنے والے ہر شخص کو یہ غلط فہمی ہوتی ہے کہ وہ سب کچھ جانتا ہے، لیکن حقیقت یہ ہے کہ اقتدار صرف طاقت دیتا ہے، علم نہیں۔