لاہور: سینیئر نائب صدر اور چیف آرگنائزر مسلم لیگ (ن) مریم نواز شریف لندن روانہ ہوگئیں-
باغی ٹی وی: مسلم لیگ ن کی چیف آرگنائزر مریم نواز آج صبح 4 بجے لاہور کے علامہ اقبال ایئرپورٹ سے غیر ملکی پرواز کے ذریعے براستہ دبئی لندن روانہ ہوگئی ہیں دوسری جانب سابق وزیراعظم شہباز شریف بھی ہنگامی بنیادوں پر لندن روانہ ہوگئے ہیں، وہ ماڈل ٹاون سے لاہور ایئرپورٹ پہنچے، اور پارٹی ذرائع نے بتایا کہ سابق وزیراعظم لاہور کے علامہ اقبال ایئرپورٹ سے غیر ملکی ایئر لائن کی پرواز کیو آر 629 کے ذریعے براستہ دوحہ لندن روانہ ہوئے ہیں شہباز شریف، نواز شریف کے لیے اہم پیغام لے کر جارہے ہیں۔
کوہ پیما نائلہ کیانی مناسلو سرکرنےوالی پہلی پاکستانی خاتون
مریم نواز آج شام اور شہباز شریف رات کو لندن پہنچیں گے اور نواز شریف، شہباز شریف اور مریم نواز کی جمعے کو اہم ملاقات ہوگی جس میں پارٹی قائد کی 21 اکتوبر کو وطن واپسی کے علاوہ انتخابات سے متعلق اہم فیصلے متوقع ہیں،شہباز شریف منگل کی صبح ہی لندن سے واپس وطن پہنچے تھے، انہوں نے ایک ماہ لندن میں قیام کیا تھا۔
