ورلڈ ہیڈر ایڈ

مریم نواز نے کوٹ لکھپت جیل کے باہر بھوک ہڑتال کی دھمکی دے دی

پاکستان مسلم لیگ ن کی نائب صدر مریم نواز نے کوٹ لکھپت جیل کے باہر بھوک ہڑتال کرنے کی دھمکی دی ہے اور کہا ہے کہ ‏جعلی حکومت نے نواز شریف کے گھر کے کھانے پر پابندی لگا دی ہے۔

باغی ٹی وی کی رپورٹ کے مطابق سوشل میڈیا سائٹ ٹویٹر پر اپنے پیغام میں انہوں‌ نے لکھا ہے کہ جعلی حکومت نے نواز شریف صاحب کے گھر کے کھانے پر پابندی عائد کر دی ہے۔ کھانا لے جانے والا سٹاف پچھلے 5 گھنٹے سے جیل کے باہر کھڑا ہے۔ میاں صاحب نے جیل کا کھانا کھانے سے انکار کر دیا ہے۔ اگر انھوں نے اگلے 24 گھنٹے میں یہ پابندی واپس نا لی تو میں عدالت سے رجوع کروں گی۔


مریم نواز نے لکھا ہے کہ عدالت سے بھی مدد نا ملی تو میں کوٹلکھپت جیل کے باہر جا کر بیٹھوں گی۔ بھوک ہڑتال بھی کرنا پڑی تو کروں گی۔ ان ظالموں پر مجھے بھروسہ نہیں ہے۔ یہ میاں صاحب کے کھانے میں کچھ بھی ملا سکتے ہیں۔ اس بات کو دھمکی نا سمجھا جائے کیونکہ میں یہ کر گزروں گی۔

واضح رہے کہ سابق وزیر اعظم شاہد خاقان عباسی نے بھی آج دعویٰ کیا ہے کہ نواز شریف کیلئے گھر سے کھانا لانے پر پابندی عائد کر دی گئی ہے.

جواب چھوڑیں

آپ کا ای میل ایڈریس شائع نہیں کیا جائے گا.