سفاکی کی انتہا، معصوم بچوں کے ٹکڑے کر کے سالن بنا کر دربار جا کر تقسیم کر دیا

خان گڑھ: معصوم بچوں کے قتل کی لرزہ خیز واردات، ایک ہفتہ قبل اغواء ہونے والے تین معصوم بچوں میں سے ایک کو بازیاب کرا لیا گیا جبکہ دو بچوں کو درندگی سے قتل کر کے ملزم نے قیامت صغریٰ ڈھا دی، ڈی پی او مظفرگڑھ سمیت پولیس کی بھاری نفری نے جائے وقوعہ پر پہنچ کر تفتیش کی،بدبخت ملزم نے ایک معصوم بچے کو ذبح کر کے اسکا گوشت پکا کر تقسیم کردیا۔

باغی ٹی وی: تفصیلات کے مطابق خان گڑھ کے نواحی علاقہ گیرے وائن میں پانچ روز قبل 7 سالہ علی حسن اسکی ڈیڑھ سالہ بہن حفصہ اور ان کے تین سالہ کزن عبداللہ کو ان کے والدین کے کزن بلال نے دن دیہاڑے موٹر سائیکل پر پر بٹھا کر اغواء کر کے لے گیا تھا جس پر والد فیاض حسین کی مدعیت میں خان گڑھ پولیس نے ملزم کے خلاف مقدمہ درج کر لیا اور ملزم کی تلاش شروع کر دی-

ملزم کی اہل علاقہ کی نشاندہی پر ایک ڈیرے پر گرفتاری عمل میں لاتے ہوئے ایک 7 سالہ بچے علی حسن کو بازیاب کرا لیا گیا تاہم دیگر بچوں کی بابت خان گڑھ پولیس ملزم سے کچھ نہ اگلوا سکی تاہم بازیاب بچے کے ہوش میں آنے کے بعد اسکی نشاندہی پر گزشتہ روز ڈیڑھ سالہ حفصہ اور تین سالہ عبداللہ کی تلاش کیلئے پولیس کی بھاری نفری نے آپریشن کیا تو بازیاب ہونے والے علی حسن کے مطابق ملزم بلال نے اغواء کے روز ہی تین سالہ عبداللہ کو چھڑی سے زبح کر کے قتل کردیا اور اگلے روز اسکی ڈیڑھ سالہ بہن حفصہ کو بھی پہلے گلہ دبا کر قتل کیا اور بعدازاں چھری سے ذبح کر دیا جبکہ دونوں بچوں کو قتل کرنے کے بعد ان کے جسم کا گوشت پکا کر خود کھا گیا اور ملزم نے یہ بھی بتایا کہ سالن کو دربار پر جا کر تقسیم بھی کیا –

پولیس نے سرچ آپریشن کے دوران چمرو والی کے مقام پر نزدیکی کماد کے کھیت سے تین سالہ عبداللہ کی کھوپڑی ، چھڑی اور کپڑے بھی برآمد کر لیے ہیں جبکہ ڈیڑھ سالہ حفصہ کی تلاش میں پولیس کو تاحال کوئی کامیابی نہیں ملی جبکہ اطلاع پر ڈی پی او مظفرگڑھ سید حسنین حیدر جائے وقوعہ پر پہنچ کر معائنہ کرتے ہوئے خان گڑھ پولیس کو ڈیڑھ سالہ حفصہ کی تلاش کیلئے بھی احکامات جاری کیے –