میکسیکومیں گھر کے فریزر سے 13 لاشیں برآمد

میکسیکو سٹی: میکسیکو کی ریاست ویراکروز میں ایک گھر کے فریزر سے 13 لاشیں ملی ہیں جس پر پولیس نے 16 مشتبہ افراد کو گرفتار کرلیا۔

باغی ٹی وی: عالمی خبر رساں ادارے کے مطابق میکسیکو میں پولیس نے ایک مشتبہ شخص کا پیچھا کیا جو ایک عمارت میں چھپا ہوا تھا، عمارت میں تین مغوی بھی تھےپولیس نے ملزم کو حراست میں لے لیامغویوں کو بھی فریزر میں لاشوں کےہمراہ چھپایا گیا تھا تینوں مغویوں کو نشہ آور چیز دے کر بے ہوش کیا گیا تھا ویراکروز کے اٹارنی جنرل نے ایک بیان میں کہا کہ ملوث افراد کی تعداد اور ان کی شناخت کا تعین کرنے کے لیے فیلڈ اور لیبارٹری ٹیسٹ جاری ہیں-

پولیس کے مطابق تلاشی لینے پر فریزر سے 13 لاشوں کی باقیات بھی ملیں جنھیں فرانزک کے لیے بھیج دیا گیا پولیس نے خدشہ ظاہر کیا ہے اس عمارت میں مزید لاشیں بھی چھپائی گئی ہیں پولیس کے مطابق ابتدائی تفتیش سے لگتا ہے کہ یہ ڈرگ ڈیلرز کی آپس کی چپقلش کا نتیجہ ہے گرفتار ملزم کی نشاندہی پر دیگر 5 افراد کو بھی حراست میں لے لیا گیا لاشوں کی شناخت کے بعد ہی معمہ حل ہوسکے گا۔

سویڈن میں ایک بار پھر شاہی محل کے باہرقرآن پاک کی بے حرمتی

واضح رہے کہ ویرا کروز میکسیکو کے خلیجی ساحل کے ساتھ ایک تیل سے مالا مال ریاست ہے جو طویل عرصے سے انسانی اور منشیات کی اسمگلنگ کے ساتھ ساتھ دیگر مجرمانہ سرگرمیوں کا مرکز رہی ہے سرکاری اعداد و شمار کے مطابق، اس سال کی پہلی ششماہی کے دوران ویراکروز میں 400 سے زیادہ افراد ہلاک ہوئےلاطینی امریکی ملک میکسیکو میں منشیات فروشوں کے خلاف متنازع فوجی کارروائی 2006 سے جاری ہے جس میں اب تک 4 لاکھ سے زائد افراد ہلاک ہوچکے ہیں۔

بھارتی کپتان روہت شرما، مچل اسٹارک اورشاہین آفریدی کا سامنا کیوں نہیں کرنا چاہتے؟