مایا علی اپنی ہی اداکاری کی ویڈیو دیکھ کررو پڑیں

پاکستان شوبز انڈسٹری کی معروف اداکارہ مایا علی کی ایک ویڈیو سوشل میڈیا پر وائرل ہو رہی ہے جس میں اداکارہ اپنی ہی اداکارہ کی ویڈیو دیکھ کر رو پڑیں-

باغی ٹی وی : مایا علی کا شمار پاکستان شوبز کی صف اول کی اداکاراؤں میں ہوتا ہے انہوں نے کئی ہٹ ڈراموں کے ساتھ دو سپر ہٹ فلموں ’طیفا ان ٹربل‘ اور ’’پرے ہٹ لو‘میں بھی کام کیا ہے۔

مایا علی کافی عرصے سے چھوٹی اسکرین سے دور تھیں جب کہ فلم ’پرے ہٹ لو‘ کے بعد وہ کسی اور فلم میں بھی نظر نہیں آئیں۔ تاہم اب وہ ڈراما سیریل ’پہلی سی محبت‘ کے ذریعے ٹی وی پر دوبارہ واپسی کررہی ہیں۔

زندگی ایک بار ملتی ہیں اسے بھر پور طریقے سے جینا چاہیئے مایا علی

مذکورہ ڈرامے کا ایک سین موبائل فون پر دیکھتے ہوئے مایا علی اتنی زیادہ جذباتی ہوگئیں کہ ان کی آنکھیں بھر آئیں۔موبائل کی اسکرین پر واضح طور پر دیکھاجاسکتا ہے کہ اس سین میں مایا علی اداکار شہریار منور کے ساتھ اداکاری کرتی ہوئی نظر آرہی ہیں۔

واضح رہے کہ ڈراما سیریل ’پہلی سی محبت‘ میں شہریار منور مایا علی کے مقابل مرکزی کردار ادا کررہے ہیں اور انہوں نے بھی اس ڈرامے کے ذریعے چھوٹی اسکرین پر کافی عرصے بعد واپسی کی ہے۔

دوسری جانب پاکستان کے نامور ڈیزائنر حسن شہریار یاسین ڈرامہ سیریل’پہلی سی محبت‘ سےٹیلی ویژن پر اداکاری میں ڈیبیو کریں گے-

مایا علی جلد ہی نئے ڈرامے میں جلوہ گر ہوں گی

نامور ڈیزائنر اور میزبان حسن شہریار یاسین ٹیلی ویژن پر اداکاری کرنے کے لیے تیار