میئر کراچی بیرسٹر مرتضی وہاب نے ہتھنی سونو کے اچانک انتقال پر تحقیقات کا حکم دے دیا ہے.
باغی ٹی وی کے مطابق مرتضی وہاب نے کہا کہ یہ خبر انتہائی افسوس ناک ہے کہ ہتھنی سونو سفاری پارک میں مردہ حالت میں پائی گئی، انہوں نے کہا کہ ہتھنی کے انتقال کی مکمل تحقیقات کی جائیں گی اور اگر افسران یا عملے کی غفلت پائی گئی تو ان کے خلاف سخت کارروائی کی جائے گی، انہوں نے کہا کہ ہتھنی کا مکمل پوسٹ مارٹم کرایا جائے گا اور موت کی وجہ معلوم کی جائے گی، انہوں نے یہ بھی ہدایت کی کہ ہتھنی کے انتقال کا ہر پہلو سے جائزہ لیا جائے اور یہ دیکھا جائے کہ ہتھنی کی موت طبعی ہوئی ہے یا کسی حادثے کے سبب ایسا ہوا ہے، میئر کراچی نے سینئر ڈائریکٹر ریکریشن کو ہدایت کی کہ ہتھنی کو دی جانے والی خوراک سے متعلق بھی مکمل معلومات لی جائیں کہ انہیں متعلقہ عملے نے کیا خوراک فراہم کی تھی، میئر کراچی نے کہا کہ گزشتہ دنوں چڑیا گھر سے ہتھنی مدھو بالا کو سفاری پارک اس لیے منتقل کیا گیا تھا کہ وہ زیادہ بہتر جگہ اور فضا میں دوسری ہتنیوں کے ساتھ رہیں اور وہاں پر پہلے سے موجود دونوں ہتھنیوں کے ساتھ مدھو بالا کی تنہائی بھی دور ہوسکے، لیکن آج اس خبر نے مغموم کر دیا ہے کہ سفاری پارک میں موجود تین ہتھنیوں میں سے ایک ہتھنی سونو کا اچانک انتقال ہوگیا ہے، انہوں نے کہا کہ چڑیا گھر اور سفاری پارک میں موجود جانوروں کی حفاظت اچھی خوراک اور ماحول فراہم کرنا ہماری ذمہ داری ہے اور اگر اس میں عملے یا افسران کوتاہی کریں گے تو ان کے خلاف تادیبی کارروائی ضروری ہے، میئر کراچی نے کہا کہ انہوں نے ہتھنی کے انتقال کا سخت نوٹس لیا ہے اور تحقیقات کے نتیجے میں جو صورتحال سامنے آئے گی انہیں عوام اور میڈیا کے سامنے لایا جائے گا.
وزیراعلی سندھ سے مشیر اطالوی وزارت دفاع کی وفد سمیت ملاقات
اوورسیز پاکستانیوں نے ڈالرز پاکستان بھیجنے کا ریکارڈ توڑدیا
ننکانہ:فاطمہ بانو نے ہمیشہ کام کو ایقان اور عبادت سمجھ کر سرانجام دیا.محمد اکرم پنوار
