مذاق تو نہیں کہ ہر بار بلدیاتی انتخابات ملتوی ہوتے رہیں۔چیف الیکشن کمشنر

الیکشن کمیشن نے اسلام آباد بلدیاتی انتخابات سے متعلق فیصلہ محفوظ کرلیا۔

چیف الیکشن کمشنر سکندر سلطان راجہ کی سربراہی میں 5رکنی کمیشن نے سماعت کی،چیف الیکشن کمشنر نے کہا کہ الیکشن کمیشن اب انتخابی تاریخ کا اعلان کرے گا، ہم پر پابندی نہیں کہ سیکرٹری یونین کونسلز کے ذریعے ہی انتخابات کرائیں،تین صوبوں میں بلدیاتی انتخابات ہو چکے، پنجاب میں ہونے والے ہیں۔چیف الیکشن کمشنر نے کہاکہ پنجاب سے متعلق معاملہ حل ہو چکا ہے، جلد انتخابات ہو جائیں گے،اسلام آباد میں اب تک مقامی حکومت کا قیام نہیں ہوا، مذاق تو نہیں کہ ہر بار بلدیاتی انتخابات ملتوی ہوتے رہیں۔