مذہبی رہنما ڈاکٹر حافظ مسعوداظہر کیساتھ ڈکیتی کی واردات،پولیس کی بروقت کارروائی میں ڈاکو گرفتار مال بھی برآمد

لاہور: معروف مذہبی رہنما ڈاکٹر حافظ مسعوداظہر کے ساتھ ڈکیتی کی واردات ، ڈاکوﺅں نے اسلحہ کے زور پر بڑی مالیت کی رقم ، قیمتی موبائل اور دیگر قیمتی اشیاءچھین لیں،ڈی پی او خانیوال رانا عمر فاروق اور ایس ایچ او تھانہ صدر سعد امین نے بروقت کاروائی کرتے ہوئے ڈاکو پکڑ لئے اور ان سے مال مسروقہ بھی برآمد کرلیا گیا –

باغی ٹی وی : تفصیلات کے مطابق پاکستان اسلامک کونسل کے چئیرمین ، جامعہ سعیدیہ سلفیہ کے پرنسپل، امن کمیٹی کے ممبر اور معروف مذہبی رہنما ڈاکٹر حافظ ڈاکٹر حافظ مسعود اظہر خانیوال سے میاں چنوں جارہے تھے کہ راستے میں ڈاکوﺅں نے ان کو روک لیا اور ان کے پاس نقد رقم جو کہ کسی کی امانت تھی، قیمتی موبائل اور دیگر اشیاءاسلحہ کے زور پر چھین کر فرار ہوگئے –

اطلاع ملنے پر ڈی پی او خانیوال اور ایس ایچ او تھانہ صدر سعد امین نے بروقت کاروائی کرتے ہوئے مجرمان کو نہ صرف گرفتار کرلیا بلکہ ان سے مال مسروقہ بھی برآمد کرلیا ڈاکٹر حافظ مسعود اظہر اور دیگر سیاسی ، سماجی حلقوں نے رانا عمر فاروق اور سعد امین کو خراج تحسین پیش کرتے ہوئے اور ان کا شکریہ ادا کرتے ہوئے کہا کہ دونوں افسران دیانتدار ،ا علی پیشہ وارانہ صلاحیتوں کے حامل اور جرائم کے خاتمہ کرنے کے جذبہ کے حامل ہیں ، محکمہ پولیس میں رانا عمر فاروق اور سعد امین جیسے دیانتدار ، محنتی اور بلاصلاحیت افسران کی موجودگی پر قوم کو فخر ہے ، انھوں نے پیشہ وارانہ صلاحیتوں کو بروئے کار لاتے ہوئے مجرمان کو پکڑکر اپنے محکمے کا وقار بلند کردیا ہے

بہاولنگر میں بیٹے نے باپ کو چھریوں کے وار سے مار دیا

آصف علی زرداری کا بطور صدر مملکت انتخاب جمہوری اقدار کا تسلسل ہے،وزیراعظم

ملک میں سونے کی فی تولہ قیمت میں 1600 روپے کا اضافہ

مجرمان کی گرفتاری اور مال مسروقہ کی برآمدگی سے یقینا عوام کے پولیس پر اعتماد میں اضافہ ہوا ہے ، محکمہ پولیس کے دیگر افسران بھی اپنے فرائض اسی طرح تندھی اور جانفشانی ادا کریں ، جرائم پیشہ افراد کو گرفتار کریں تو جرائم کا خاتمہ ہوسکتا ہے ، ہمارا معاشرہ امن وامان کا گہوارہ بن سکتا ہے اور شہری خود کو محفوظ تصور کریں گے ۔