منڈی بہاؤالدین :جعلی جوس اور ڈرنکس کے سپلائر کے خلاف فوڈ اتھارٹی کی کارروائی

منڈی بہاؤالدین، باغی ٹی وی (نامہ نگارمحمد افنان طالب )جعلی جوس اور ڈرنکس کے سپلائر کے خلاف فوڈ اتھارٹی کی کارروائی،برانڈڈ کمپنیوں کے لیبل والے 1686 لٹر جعلی جوس اور ڈرنکس برآمد

تفصیلات کیمطابق ڈسٹرکٹ فوڈ اتھارٹی منڈی بہاءالدین نے عارف آباد اور کنگ چوک میں کاروائی کرتے ہوئے جعلی ڈرنکس سپلائی کرنے والوں کے گوداموں پر چھاپے مارے جہاں برانڈڈ کمپنیوں کے لیبل والے 1686 لٹر جعلی جوس اور ڈرنکس برآمد کئے گئے ان کا لیبارٹری ٹیسٹ کیا گیا تو مصنوعی مٹھاس سے تیار محلول میں سکرین اور فلیورز کی ملاوٹ پائی گئی۔

جنہیں کیمیکلز سے تیار کیا گیا تھا فوڈ اتھارٹی کے ترجمان عاصم جاوید نے بتایا کہ مضر صحت جوس لوڈر گاڑی میں لالہ موسیٰ سے منڈی بہاؤالدین سپلائی کیا جارہا تھا۔

معروف برانڈزجیسی پیکنگ میں بند ناقص جوس اور کاربونیٹڈ ڈرنکس بچوں اور بڑوں کی صحت کے لیے انتہائی مضر ہیں