منڈی بہاؤالدین (باغی ٹی وی، نامہ نگار افنان طالب) داخلی و خارجی راستوں پر سنیپ چیکنگ، جرائم پیشہ عناصر کے خلاف کریک ڈاؤن جاری
ڈسٹرکٹ پولیس آفیسر وسیم ریاض خان کی ہدایت پر ضلع بھر میں امن و امان کی صورتحال کو برقرار رکھنے کے لیے سکیورٹی اقدامات مزید سخت کر دیے گئے ہیں۔ داخلی و خارجی راستوں سمیت اہم مقامات پر ناکہ بندی اور سنیپ چیکنگ کا سلسلہ جاری ہے۔
ڈی پی او نے واضح کیا کہ عوام کے جان و مال کا تحفظ اولین ترجیح ہے۔ جرائم پیشہ عناصر کی نقل و حرکت روکنے اور ان کے خلاف مؤثر کارروائی کے لیے سرپرائز ناکہ بندی، گشت، اور الرٹ ڈیوٹی کو یقینی بنایا جا رہا ہے۔
سرکل افسران اور ایس ایچ اوز ناکہ بندی اور چیکنگ کے عمل کی براہ راست نگرانی کر رہے ہیں تاکہ کسی بھی مشکوک سرگرمی کا فوری سدباب کیا جا سکے۔
پولیس حکام نے عوام سے اپیل کی ہے کہ وہ ناکہ بندی اور چیکنگ کے دوران پولیس کے ساتھ مکمل تعاون کریں تاکہ ضلع میں امن و امان کو برقرار رکھا جا سکے۔
"آپ کی حفاظت، ہماری ذمہ داری” – پولیس ترجمان
