منڈی بہاؤالدین ،باغی ٹی وی(نامہ نگارافنان طالب) ڈسٹرکٹ پولیس آفیسر وسیم ریاض خان کی زیر نگرانی پولیس اہلکاروں کے ٹرن آؤٹ اور ڈسپلن کو بہتر بنانے کے لیے جنرل پریڈ منعقد کی گئی۔
پریڈ میں ضلع بھر کے پولیس افسران، لیڈیز پولیس، ایلیٹ فورس اور ٹریفک پولیس اہلکاروں نے شرکت کی۔ ڈی پی او وسیم ریاض خان نے پریڈ کا معائنہ کیا، سلامی لی اور جوانوں کے ٹرن آؤٹ کا جائزہ لیا۔ پولیس کے چاک و چوبند دستوں نے مارچ پاسٹ کرتے ہوئے سلامی دی۔
جنرل پریڈ کا مقصد پولیس فورس کی جسمانی فٹنس اور ڈسپلن کو برقرار رکھنا ہے۔ بعد ازاں مختلف شعبہ جات کا دورہ کیا گیا اور سرکاری گاڑیوں کی انسپکشن بھی کی گئی۔
