سعودی ولی عہد اور ترک صدر کے درمیان باضابطہ بات چیت،کئی دو طرفہ معاہدوں پر دستخط

سعودی عرب کے ولی عہد اور وزیراعظم شہزادہ محمد بن سلمان نے ترکیہ کے صدر طیب اردوان کی طرف سے تحفے میں دی گئی الیکٹرک کار چلانے کا تجربہ کیا

سعودی عرب کے ولی عہد شہزادہ محمد بن سلمان نے جدہ میں ترک صدر رجب طیب اردوان کے ساتھ الیکٹرک کار چلائی، ترک صدر نے شہزادہ محمد بن سلمان کو سعودی عرب کے شاہی خاندان کے لیے 2 ترک ساختہ الیکٹرک کاریں بطور تحفہ پیش کیں دونوں رہنماؤں نے جدہ میں السلام شاہی محل کے صحن میں ترکی کے پہلی الیکٹرک کار ’ٹوگ‘ کا تجربہ کیا ،

سعودی ولی عہد شہزادہ محمد بن سلمان اور ترک صدر رجب طیب اردوان نے پیر کو جدہ میں باضابطہ بات چیت میں انہوں نے مختلف شعبوں پر محیط کئی دو طرفہ معاہدوں پر دستخط کی نگرانی کی۔سعودی پریس ایجنسی کے مطابق دونوں فریقوں نے توانائی، دفاعی صنعت، تحقیق اور ترقی کے شعبوں میں تعاون کے لیے مفاہمت کی یادداشتوں پر دستخط کیے سعودی عرب نے ترکیہ کی دفاعی کمپنی ’’ بایکر‘‘ کے ساتھ دو معاہدوں پر دستخط کیے۔

مملکت کے وزیر دفاع شہزادہ خالد بن سلمان نے منگل کے اوائل میں ایک ٹویٹ میں کہا کہ وزارت دفاع اور بایکر کے درمیان دو حصول کے معاہدوں پر دستخط کیے گئے ہیں جس کے تحت وزارت ڈرونز حاصل کرے گی۔ اس کا مقصد مملکت کی مسلح افواج کی تیاری کو بہتر بنانا اور اس کی دفاعی اور مینوفیکچرنگ کی صلاحیتوں کو بڑھانا ہے۔

روسی سائنسدان نے تحقیق کیلئےاپنے دماغ کی خود ہی سرجری کرڈالی

ایس پی اے نے کہا کہ سرکاری بات چیت کے دوران سعودی اور ترکیہ کے رہنماؤں نے سعودی عرب اور ترکیہ کے درمیان دو طرفہ تعلقات کا جائزہ لیا اور ان کے درمیان تعاون کے ذرائع اور مختلف شعبوں میں تعلقات کو فروغ دینے کے مواقع پر غور کیا۔

ولی عہد شہزادہ محمد بن سلمان اور ترک صدر ایردوان نے علاقائی اور بین الاقوامی پیش رفتوں اور ان معاملات کے حوالے سے کی جانے والی کوششوں پر بھی تبادلہ خیال کیا۔ دونوں رہنماؤں کے درمیان بات چیت شروع ہونے سے قبل ولی عہد نے سرکاری استقبالیہ تقریب میں ایردوان کا استقبال کیا۔

واضح رہے کہ اردوان مئی میں ترکیہ کے صدارتی انتخابات میں دوبارہ منتخب ہوئے تھے۔ ترک صدر کا مملکت کا دورہ خلیجی دورے کا پہلا پڑاؤ ہے۔ 17 سے 19 جولائی تک جاری رہنے والے اس دورے میں وہ قطر اور متحدہ عرب امارات بھی جائیں گےدورے کے ایک حصے کے طور پر سعودی وزیر سرمایہ کاری خالد الفالح اور ترکی کے وزیر تجارت عمر بولات کی موجودگی میں سعودی ترک بزنس فورم کا انعقاد کیا گیا۔

افغانستان کو دہشتگرد حملوں کیلئےمحفوظ مقام کے طور پر استعمال کیا جارہا ہے،امریکا

فورم میں تعاون کے ذرائع اور دونوں ممالک کے درمیان سرمایہ کاری کے مواقع کو بڑھانے کے طریقوں پر تبادلہ خیال کیا گیا۔ اس کے نتیجے میں 9 مفاہمتی یادداشتوں کا اعلان ہوا۔ یہ یادداشتیں توانائی، رئیل اسٹیٹ، تعمیرات، تعلیم، ڈیجیٹل ٹیکنالوجی، صحت اور میڈیا کے شعبوں سے متعلق تھیں۔

HRH Crown Prince Accompanies Turkish President from Al-Salam Palace to His Place of Residence.https://t.co/TeQqvvDe6p#SPAGOV pic.twitter.com/upLrdCI4kE

— SPAENG (@Spa_Eng) July 18, 2023

بعد ازاں سعودی ولی عہد محمد بن سلمان نے پیر کو جدہ کے قصر السلام میں ہونے والی ملاقات کے بعد ترک صدر رجب طیب ایردوان کے لیے خود گاڑی چلائی اور انہیں ان کی قیام گاہ تک پہنچایا ترک صدر نے سعودی شاہ سلمان اور ولی عہد دونوں کو ترکی کی دو الیکٹرک کاریں بطور تحفہ پیش کیں۔

رجب طیب اردوان سرکاری دورے پر سعودی عرب پہنچ گئے