میڈیا انتخابات سے متعلق خبروں پر الیکشن کمیشن کا موقف لے، مرتضی سولنگی

نجی ٹی پر الیکشن کمیشن کے حوالے سے غلط معلومات نشر کرنے پر نگران وزیر اطلاعات مرتضی سولنگی نے کہا ہے کہ میڈیا حقائق کی جانچ پڑتال کیلئے انتخابات سے متعلق خبروں پر الیکشن کمیشن کا موقف لے۔سوشل میڈیا پلیٹ فارم ایکس پر ایک پوسٹ میں انہوں نے کہا کہ میڈیا کو چاہیے کہ وہ حقائق پیش کرے اورکسی بھی شک و شبے کی صورت میں اسے الیکشن کمیشن سے خبر کی تصدیق کرنی چاہیے۔

حقائق پر چلیں۔اگر شبہ ہو تو تصدیق کریں۔ انتخابات سے متعلق تمام خبروں پر الیکشن کمیشن کا موقف ضرور معلوم کریں۔
شکریہ۔ pic.twitter.com/I7v7E5nTE8

— Murtaza Solangi (@murtazasolangi) January 8, 2024

بیان میں کہا گیا کہ حقیقت یہ ہے کہ پولنگ سٹیشنوں کی حتمی فہرست انتخابات سے پندرہ روز قبل شائع کی جاتی ہے جس کے بعد ووٹر اپنے بلاک کوڈ، حلقہ نمبر، پولنگ سٹیشن اور دیگر معلومات حاصل کرسکتے ہیں۔ الیکشن کمیشن نے کہا کہ اس وقت حلقوں کے پولنگ سٹیشنز کی ابتدائی فہرست شائع کردی گئی ہے اور ووٹرز اس حوالے سے اپنے اعتراضات اور تجاویز ڈسٹرک ریٹرننگ افسر کو جمعرات تک جمع کراسکتے ہیں۔ڈسٹرک ریٹرننگ افسر اس ماہ کی سترہ تاریخ تک معاملہ کا فیصلہ کریں گے۔بیان میں مزید کہا گیا کہ پولنگ سٹیشنوں کی حتمی فہرست انتخابات سے پندرہ روز قبل شائع کی جائے گی۔ ووٹرز کے کوائف حتمی فہرستوں کے شائع ہونے کے بعد ایس ایم ایس سروس 8300 پر دستیاب ہونگے۔الیکشن کمیشن نے کہا کہ پوسٹل بیلٹ کے ذریعے ووٹ ڈالنے کے خواہشمند افراد متعلقہ ضلعی الیکشن کمشنرز کے دفاتر سے انتخابی فہرستوں کے بارے میں معلومات لے سکتے ہیں۔