وزیراعظم شہباز شریف نے ایوانِ صدر میں صدرِ مملکت آصف علی زرداری سے ملاقات کی۔
ترجمان ایوانِ صدر کے مطابق ملاقات میں نائب وزیراعظم اسحاق ڈار، وزیرِ داخلہ محسن نقوی، وفاقی وزرا احسن اقبال، رانا ثناء اللہ، رانا تنویر حسین، اعظم نذیر تارڑ، سلیم مانڈوی والا، شیری رحمٰن اور نیر حسین بخاری بھی شریک ہوئے۔ملاقات میں قومی اہمیت کے امور، موجودہ سیاسی و سیکیورٹی صورتِ حال اور پاکستان کے اسٹریٹجک معاشی مفادات پر اثر انداز ہونے والی علاقائی و بین الاقوامی پیش رفت پر تفصیلی تبادلۂ خیال کیا گیا۔
وزیراعظم شہباز شریف نے صدر آصف زرداری کو اپنے حالیہ دورۂ مصر اور ملائیشیا، غزہ میں امن کی کوششوں اور عالمی رہنماؤں سے ملاقاتوں سے آگاہ کیا۔ذرائع کے مطابق صدر اور وزیراعظم کے درمیان ون آن ون ملاقات بھی ہوئی، جس میں اہم قومی ترجیحات اور حکومتی پالیسیوں کی مجموعی سمت پر گفتگو کی گئی۔اس موقع پر دونوں رہنماؤں نے قومی اہمیت کے امور پر سیاسی مشاورت جاری رکھنے پر اتفاق کیا.
پاک فوج کی مہمند اور شمالی وزیرستان میں کارروائیاں، 37 خوارج ہلاک
شیر شاہ میں رہائشی عمارت کے آئل ڈپو میں آگ، 5 افراد جھلس گئے
کراچی، افغان کیمپ میں ہنگامہ آرائی، تجاوزات کے خلاف آپریشن روک دیا گیا
ڈیرہ غازی خان اور گوجرانوالہ بورڈز کے انٹر پارٹ ون کے نتائج کا اعلان، طالبات نے بازی مار لی
