محمد پور دیوان،باغی ٹی وی(نامہ نگار جنید احمدانی)احمدانی فلاحی اتحاد کور کمیٹی کا اجلاس، قوم کے غریب اور یتیم بچوں کے تعلیمی اخراجات میں معاونت کیلئے کمیٹی قائم
تفصیل کے مطابق محمد پور دیوان میں گزشتہ دنوں گلشن پٹرول پمپ پر احمدانی فلاحی اتحاد کور کمیٹی کا اجلاس زیر صدارت سردار عارف رضا خان احمدانی منعقد ہوا اجلاس کا آغاز تلاوت پاک سے کیا گیا اور اجلاس میں تمام عہدیداران کی مشاورت سے مختلف اُمور پر بات کی گئی اور کہا گیا کہ
یونین لیول پر کمیٹیاں بنائی جائیں اور انکو فعال کیا جائے۔ تمام ممبران قومی اتحاد کو فروغ دینے میں اپنا اپنا بھرپور کردار ادا کریں اور قوم کے غریب اور یتیم بچوں کے تعلیمی اخراجات میں معاونت کریں اور مختلف نئے علاقوں میں کنونشن اور پروگرام جلد شروع کیئے جائیں اور جس طرح احمدانی فلاحی اتحاد نے حالیہ سیلاب میں اپنی قوم کے متاثرین خاندانوں کی مدد میں اپنی تمام تر توانائیاں اور بجٹ خرچ کیا وہ انتہائی قابل تحسین بات ہے مگر مہنگائی کے اس دور میں بغیر بجٹ کے سرگرمیاں جاری رکھنا نا ممکن اور بڑا مشکل کام ہے لہذا تمام ممبران بجٹ کی کمی کو دور کرنے میں علاقائی لیول اور پرسنلی طور پر اپنا بھرپور کردار ادا کریں جتنی رقم ہو سکے اتحاد کے فنڈ اکاؤنٹ میں ہر ماہ بھیجیں تاکہ معاملات کو احسن انداز میں چلایا جا سکےتمام ارکان علاقائی لیول پر قوم کی فلاح اور عزت و احترام کا خیال رکھیں اور اپنے سنجیدہ مسائل صدر صاحب سردار عارف رضاء خان احمدانی سے ڈسکس کریں تاکہ انکا حل نکالا جا سکے اور اجلاس اختتام پر تمام (کور کمیٹی) نے اپنی قوم کےلیئے نیک خواہشات کا اظہار کیا اور خصوصی دعا کی کہ اللہ پاک ہمارے اتحاد کو قائم و دائم رکھے آمین اس موقع پر تمام کور کمیٹی کے ممبران نے کثیر تعداد میں شرکت کی
Leave a reply
