وزیراعظم شہباز شریف نے غذر میں گلیشیئر پھٹنے (گلوف) کی بروقت اطلاع دے کر 300 جانیں بچانے والے قومی ہیروز سے وزیراعظم ہاؤس میں ملاقات کی۔
قومی ہیرو وصیت خان، انصار اور محمد خان کو سرکاری مہمان کے طور پر مدعو کیا گیا، جہاں وزیراعظم نے انہیں 25، 25 لاکھ روپے کے انعامی چیک اور شیلڈز پیش کیں۔قومی ہیروز نے وزیراعظم کو بتایا کہ واقعے کے وقت وہ گاؤں سے 4 گھنٹے کے فاصلے پر تھے، تاہم موبائل فون کے ذریعے بروقت اطلاع دے کر سب کو الرٹ کیا۔شہباز شریف نے کہا کہ احساس ذمہ داری کے ساتھ انسانیت کی یہ خدمت ہمیشہ سنہرے حروف میں یاد رکھی جائے گی۔ انہوں نے اعلان کیا کہ وہ جلد گلگت بلتستان کا دورہ کریں گے تاکہ ان ہیروز کو مزید خراج تحسین پیش کیا جا سکے۔
وزیراعظم نے کہا کہ وصیت خان، انصار اور محمد خان نے فرض شناسی کی اعلیٰ مثال قائم کی، پوری قوم کو ان پر فخر ہے۔ انہوں نے پاکستان کے 24 کروڑ عوام کی جانب سے ان ہیروز کا شکریہ بھی ادا کیا۔
پنجاب میں سیلابی خطرہ، مریم نواز نے انخلا کے احکامات جاری کر دیے
ملک ریاض اور بحریہ ٹاؤن کے خلاف حوالہ ہنڈی اور منی لانڈرنگ کے انکشافات
سوزوکی آلٹو کی فروخت میں 75 فیصد کمی
اسحاق ڈار کی جدہ میں سعودی، ایرانی اور صومالی ہم منصبوں سے ملاقاتیں
