میہڑ:زمین کے تنازعے پر خونریزی،کھوسہ برادری کے 10 افراد زخمی
![](https://baaghitv.com/wp-content/uploads/2024/08/Dadu-Police-jpg.webp)
میہڑ،باغی ٹی وی (نامہ نگارمنظورعلی جوئیہ)زمین کے تنازعے پر خونریزی،کھوسہ برادری کے 10 افراد زخمی
نواحی گاؤں باندھی خان کھوسو میں زرعی زمین پر قبضے کے تنازعے پر دو گروپوں کے درمیان شدید جھگڑا ہو گیا۔ اس جھگڑے میں ڈنڈوں اور کلہاڑیوں کا استعمال کیا گیا جس کے نتیجے میں دونوں گروپوں کے 10 افراد شدید زخمی ہو گئے۔
زخمیوں کو فوری طور پر میہڑ کے تحصیل ہسپتال منتقل کیا گیا جہاں سے انہیں مزید علاج کے لیے لاڑکانہ ہسپتال منتقل کر دیا گیا۔زخمیوں میں اللہ داد کھوسو ،محمد حسین کھوسو، اسلم علی ،احمد، ایاز اور الطاف شامل ہیں جبکہ دوسرے گروپ کے محمد موسیٰ کھوسو ،ابراہیم کھوسو ،غلام رسول کھوسو، محمد عیسیٰ کھوسو شامل ہیں زخمیوں کو ورثا کی جانب فوری طور پر علاج کےلئے تحصیل ہسپتال میہڑ منتقل کیاگیا ہے.
پولیس کے مطابق واقعے کی اطلاع ملتے ہی پولیس موقع پر پہنچ گئی اور صورتحال کو قابو میں کر لیا۔ تاہم ابھی تک کوئی گرفتاری عمل میں نہیں آئی ہے۔ زخمیوں کی حالت خطرے سے باہر بتائی جاتی ہے۔
مقامی لوگوں کا کہنا ہے کہ اس علاقے میں زمین کے تنازعات کوئی نئی بات نہیں ہے۔ اس سے قبل بھی ایسے واقعات ہو چکے ہیں۔ اس واقعے کے بعد علاقے میں کشیدگی کا ماحول ہے اور مزید جھگڑے کا اندیشہ ہے۔”