میہڑ،باغی ٹی وی(نامہ نگارمنظورعلی جوئیہ) تیز رفتار پولیس موبائل کی ٹکر سے خاتون جاں بحق، بیٹا شدید زخمی
میہڑ کے قریب انڈس ہائی وے پر تیز رفتار پولیس اسکواٹ موبائل نے موٹر سائیکل کو ٹکر مار دی، جس کے نتیجے میں قمبر شہداد کوٹ کی رہائشی آمنہ خاتون جاں بحق ہو گئیں، جبکہ ان کا بیٹا خالد قمبرانی شدید زخمی ہو گیا۔
زخمی خالد قمبرانی کو ابتدائی طبی امداد کے بعد تشویشناک حالت میں لاڑکانہ ہسپتال منتقل کر دیا گیا ہے، جبکہ جاں بحق ہونے والی خاتون کی نعش ضروری کارروائی کے بعد ورثا کے حوالے کر دی گئی۔
واقعے کی اطلاع ملنے کے باوجود تاحال کسی بھی ذمہ دار کی گرفتاری عمل میں نہیں آ سکی۔ متاثرہ خاندان انصاف کے لیے حکام سے اپیل کر رہا ہے۔
