میہڑ : پولیس اور ڈاکوؤں کے مابین فائرنگ کا تبادلہ، ایک ڈاکو زخمی

میہڑ (باغی ٹی وی ،نامہ نگارمنظور علی جوئیہ): رادھن لنک روڈ پر گشتی پولیس اور ڈاکوؤں کے مابین فائرنگ کا تبادلہ ہوا جس کے نتیجے میں ایک ڈاکو زخمی حالت میں گرفتار کر لیا گیا۔

پولیس کے مطابق، تین ڈاکوؤں نے جرائم کے ارادے سے رادھن لنک روڈ پر کھڑے ہو کر پولیس پر حملہ کیا۔ پولیس کی جوابی فائرنگ میں ایک ڈاکو عمران عرف سدھیر کھوسو زخمی ہو گیا جسے فوری طور پر طبی امداد کے لیے تحصیل ہسپتال میہڑ منتقل کر دیا گیا۔ دیگر دو ڈاکو فرار ہونے میں کامیاب ہو گئے۔

پولیس نے گرفتار ملزم کے خلاف مقدمہ درج کر لیا ہے اور اس کے کریمنل ریکارڈ کی تفصیلات حاصل کرنے کے لیے اقدامات کر رہی ہے۔ پولیس نے ملزمان کی گرفتاری کے لیے سرچ آپریشن شروع کر دیا ہے۔