میہڑ : واپڈا کی نجکاری کے خلاف شدید احتجاج

میہڑ،باغی ٹی وی (نامہ نگارمنظورعلی جوئیہ کی رپورٹ) واپڈا کی نجکاری کے خلاف واپڈا ہائیڈرو الیکٹرونس یونین کے ملازمین نے آج میہڑ میں شدید احتجاج کیا۔ احتجاج میں فہیم اسلم، شیخ حسین بخش جتوئی، سعید احمد کلھوڑو، زاہد حسین بھٹو اور دیگر ملازمین نے شرکت کی۔ مظاہرین نے ہاتھوں میں پلے کارڈز اٹھا رکھے تھے اور واپڈا کی نجکاری کرنے والوں کے خلاف نعرے بازی کی۔

مظاہرین کا کہنا تھا کہ اگر واپڈا کو نجی ہاتھوں میں فروخت کیا گیا تو سیکڑوں ملازمین بے روزگار ہو جائیں گے اور عوام پر بجلی کے بلوں کا بوجھ اور بڑھ جائے گا۔ انہوں نے کہا کہ واپڈا میں ملازمین کی کمی ہے، اس لیے نجی کاری کی بجائے ملازمین کی تعداد میں اضافہ کیا جانا چاہیے۔

مظاہرین نے کہا کہ وہ کسی صورت میں واپڈا کو نجی ہاتھوں میں جانے نہیں دیں گے۔ انہوں نے حکومت سے مطالبہ کیا کہ وہ واپڈا کی نجکاری کا منصوبہ فوراً ترک کر دے۔