اسلام آباد: وزیراعظم محمد شہباز شریف نے جنوری 2025 میں مہنگائی کی شرح کے 9 سال کی کم ترین سطح تک پہنچنے کا خیرمقدم کیا ہے۔
وزیرِاعظم شہباز شریف کا کہنا تھا کہ "جنوری 2025 میں مہنگائی کی شرح 2.4 فیصد پر آ چکی ہے، جو کہ ایک خوش آئند پیشرفت ہے۔”سال 2024 کے آغاز میں مہنگائی کی شرح 28.73 فیصد تھی اور دسمبر 2024 میں یہ 4.1 فیصد تک کم ہوئی۔ اس کے بعد جنوری 2025 میں اس میں مزید کمی دیکھنے کو ملی ہے، جو ایک اہم کامیابی ہے۔وزیراعظم نے اس بات پر زور دیا کہ مہنگائی کی شرح میں بتدریج کمی سے عوامی زندگی میں بہتری آرہی ہے، خاص طور پر اشیاء خوردونوش کی قیمتوں میں کمی سے عام آدمی کو فائدہ پہنچ رہا ہے۔ ان کا کہنا تھا کہ "یہ تبدیلی حکومت کی معاشی پالیسیوں اور اقدامات کی درست سمت میں ہونے کا ثبوت ہے، جس کا مقصد عوام کی فلاح اور بہبود ہے۔”
وزیراعظم شہباز شریف نے مزید کہا کہ "مہنگائی میں کمی کے ساتھ ساتھ مختلف شعبوں میں ترقی کے مثبت اعشاریے سامنے آ رہے ہیں، جو ملک کی معاشی بحالی کے لیے حوصلہ افزا ہیں۔” انہوں نے یہ بھی کہا کہ "پاکستان معاشی استحکام حاصل کرنے کے بعد اب معاشی ترقی کی راہ پر گامزن ہے اور حکومت ملک میں مزید استحکام اور ترقی کے لیے اپنی تمام تر کوششیں جاری رکھے گی۔”انہوں نے اس عزم کا اعادہ کیا کہ حکومت پاکستان کی معاشی پالیسیوں کی بدولت مہنگائی میں مزید کمی آئے گی، جس سے عام آدمی کی زندگی میں مزید بہتری آئے گی اور قومی فلاح و بہبود کے لیے کوششیں تیز ہوں گی۔
وزیراعظم نے اس عزم کا اظہار کیا کہ حکومت پاکستان عوام کی فلاح کے لیے مسلسل کام کر رہی ہے اور مہنگائی میں کمی کے اس رجحان کو مزید مستحکم کرنے کے لیے اقدامات جاری رکھے گی۔
شہباز شریف اور حمزہ شہباز کے خلاف رمضان شوگر ملز کیس کا فیصلہ محفوظ
ججزتبادلےاچھا قدم،وقت لگے گا سب کچھ ٹھیک ہو جائے گا۔چیف جسٹس
مریم کی محنت سے پنجاب میں بہتری نظر آ رہی ،نواز شریف
