ٹبہ سلطان پور:میپکو بل ڈسٹری بیوٹر،غائب،صارفین بل نہ ملنے سے پریشان،بارہا شکایت پر بھی نوٹس نہ لیاگیا

ٹبہ سلطان پور (نامہ نگار ) شہر ٹبہ سلطان پور گردونواح میں میپکو (واپڈا) کا بل ڈسٹری بیوٹر فرائض کی بجا آواری میں مسلسل غفلت کا ارتکاب کرنے لگا ,بارہا شکایت اور نشاندہی کے باوجود واپڈا انتظامیہ ٹس سے مس نہیں ہوئی بل ڈسٹری بیوٹر کا کام متعلقہ صارفین بجلی تک گھر گھر بل پہنچانا ہے لیکن وارڈ نمبرز,6, 9 ,8 ,3 میں بجلی صارفین کو خود اپنے بجلی کے بل تلاش کرنا پڑتے ہیں بسا اوقات تو عین مقررہ تاریخ پر بل ملتا ہے جس کی ادائیگی کیلئے صارفین کو رقم کا بندوبست کرنا ایک بڑا کڑا امتحان بن جاتا ہے, بل ڈسٹری ٹیوٹر بجلی کے بل گھر گھر پہنچانے کے لیے محلے میں ایک ہی گھر میں پھینک کر بری و ذمہ ہوجاتا ہے جہاں بجلی کے بل کے حصول کے لئے صارفین بجلی کو بار بار چکر لگانا پڑتے ہیں اکثر اوقات بجلی کے بل صارفین تک پہنچتے ہی نہیں یا پھر مقررہ تاریخ کے بعد پہنچتے ہیں جو صارفین کی کمر توڑ دیتے ہیں,موجودہ ہوشربا مہنگائی نے عوام پر پہلے ہی زندگی تنگ کردی ہے کیونکہ ایک تو بجلی کا بھاری بھر کم بل ان کے ہوش اڑا دیتا ہے دوسرا جرمانہ ان کے لئے نئی مصیبت لے کر آتا ہے بل ڈسٹری بیوٹر کی مجرمانہ غفلت کے سبب صارفین کو لوگوں سے قرض لینا پڑتا ہے اہلیان علاقہ ٹبہ سلطان پور نے بار بار واپڈا احکام سے اپیل کی ہے لیکن حکام کے کان پر جوں تک نہیں رینگی