میری 6 گیندیں کھیل لیں توموٹر سائیکل آپ کی ، شعیب اختر کا فہد مصطفی کو چیلنج

0
85

قومی کرکٹ ٹیم کے سابق فاسٹ بولر شعیب اختر نے اداکار فہد مصطفی کو اُن کا ایک اوور کھیلنے پر موٹر سائیکل کی آفر کردی۔

باغی ٹی وی :سوشل میڈیا ویب سائٹ ٹوئٹر پر فہد مصطفیٰ نے نیٹ پریکٹس کرتے ہوئے اپنی ایک ویڈیو شیئر کی جس میں ان کی کرکٹ کھیلنے کی صلاحیتیں دیکھ کر مداح خوشگوار حیرت میں مبتلا ہوئے تو وہیں معروف کرکٹرز بھی اس پر اپنا ردعمل دیے بغیر نہ رہ سکے۔

قومی کرکٹر سرفراز نے ویڈیو پر ردعمل دیتے ہوئے کہا کہ بھئی واہ واہ بھائی فہد مصطفیٰ پی ایس ایل 6 میں کھیلنے کے لئے آپ بھی ہمارے ساتھ ابوظہبی آ جائیں-

جبکہ شعیب اختر نے سرفراز کے کمنٹس پر فہد مصطفیٰ کی ویڈیو پر ردعمل دیتے ہوئے کہا کہ فہد آپ نے تو غلط پیشہ اختیار کر رکھا ہے آئیں اور کرکٹ میں پاکستان کی نمائندگی کریں لیکن پہلے نیٹ میں ہی میرا سامنا کرلیں۔


شعیب اختر نے سوال بھی کیا کہ فہد کیا آپ اس کے لیے تیار ہیں؟

شعیب اختر کے اس پیغام پر فہد مصطفیٰ نے جواب دیا کہ وہ ایسا نہ کریں کیونکہ اس سے ان کی کچھ دن کی نیند اُڑ جائے گی۔


شعیب اختر بھی فہد مصطفیٰ کے اس خوف کو انجوائے کرتے ہوئے کہا کہ اگر آپ نے میری 6 گیندیں کھیل لی تو موٹر سائیکل آپ کو دوں گا۔

علی ظفر کا فہد مصطفیٰ کو لاہورمیں کرکٹ کھیلنے کا چیلنج

Leave a reply