میاں اسلم اقبال کا بھائی کے پی ٹی آئی سے لا تعلقی کے بعد موقف

میاں اسلم اقبال کا بھائی کے پی ٹی آئی سے لا تعلقی کے بعد بیان سامنے آیا ہے . پاکستان تحریک انصاف کے رہنما میاں اسلم اقبال کی جانب سے اپنے بھائی کی پی ٹی آئی سے علیحدگی کے بعد اپنا موقف پیش کیا ہے ،اپنے بیان میں اسلم اقبال نے کہا کہ بھائی امجد اقبال کے سیاسی فیصلے سے کوئی تعلق نہیں، تحریک انصاف کا حصہ ہوں اور رہوں گا۔واضح رہے کہ پاکستان تحریک انصاف (پی ٹی آئی) پنجاب کے سینئر رہنما میاں اسلم اقبال کے بھائی امجد اقبال نے پارٹی سے لاتعلقی کا اعلان کیا۔میاں امجد اقبال کا کہنا تھا کہ مزاحمت کی سیاست پر یقین نہیں رکھتا، پی ٹی آئی نے اب تک جو راستہ اختیار کر رکھا ہے وہ ملک کی تعمیر و ترقی کے مخالف ہے۔
ان کا کہنا تھا کہ میرا مقصد عوام کی بہتری کے لیے کردار ادا کرنا ہے، اس لیے پی ٹی آئی کو خیرباد کہہ دیا ہے۔

میاں امجد اقبال کا مزید کہنا تھا کہ اپنے بھائی میاں اسلم اقبال کی جگہ پی پی 171 سے آزاد حیثیت میں الیکشن میں حصہ لوں گا۔