میہڑ: مہنگائی اور بدامنی کے خلاف شہریوں کا 2 کلومیٹر تک پیدل مارچ

میہڑ،باغی ٹی وی (نامہ نگارمنظورعلی جوئیہ )ملک میں بڑھتی ہوئی مہنگائی اور بدامنی کے خلاف سندھ ترقی پسند پارٹی کی قیادت میں شہری روڈوں پر نکل آئے، 2 کلومیٹر مارچ کرکے مظاہرین نے گھنٹہ گھر چوک پر احتجاجی مظاہرہ کیا اور نعرے بازی کی

مظاہرین نے کہاکہ بڑھتی ہوئی مہنگائی نے غریب عوام کا جینا محال کردیا ہے ،مہنگائی کی وجہ سے لوگ خودکشیاں کررہے ہیں اور 2 وقت کی روٹی کے لئے پریشان ہیں اور بڑھتی ہوئی بدامنی لوٹمار کی وجہ سے شہری اپنے گھروں میں بھی محفوظ نہیں ہیں

پولیس منتھلیا اور بھتے لینے میں مصروف ہے، امن وامان میہڑ شہر میں مکمل ختم ہوچکا ہے، ایس ایس پی دادو سمیت پوری پولیس آرام کی نیند سو رہی ہے.مظاہرین نے اعلیٰ حکام سے مطالبہ کیا کہ میہڑ شہر میں بڑھتی ہوئی بدامنی اور بڑھتی ہوئی مہنگائی کا نوٹس لیا جائے دوسری صورت میں پرامن احتجاج جاری رہیگا.