پاکستان مرکزی مسلم لیگ کے صدر خالد مسعود سندھو نے کہا ہے کہ سیاسی استحکام اور قومی یکجہتی اس وقت پاکستان کی سب سے بڑی ضرورت ہے، تمام سیاسی جماعتوں پر زور دیا جائے کہ وہ ملک کے وسیع تر مفاد میں مل بیٹھ کر مسائل کا حل نکالیں
خالد مسعود سندھو کا کہنا تھا کہ پی ٹی آئی کی جانب سے مذاکرات ختم کرنے کے باوجود ہم تمام فریقین سے اپیل کرتے ہیں کہ وہ افہام و تفہیم کا راستہ اختیار کریں اور عوامی مسائل کو ترجیح دیں مذاکرات کسی بھی مسئلے کا بہترین حل ہیں حکومت کو چاہیے کہ تحریک انصاف کی جانب سے جو ڈیشل کمیشن کے قیام کو عمل میں لانے کے مطالبے پر سنجیدگی کا مظاہرہ کرے،خالد مسعود سندھو نے کہا ہے کہ پاکستان اس وقت اقتصادی اور سماجی چیلنجز سے گزر رہا ہے، سیاست سے بالاتر ہو کر عوام کے مسائل حل کرنے پر توجہ دینا وقت کی ضرورت ہے پاکستان مرکزی مسلم لیگ چاہتی ہے کہ پاکستان کا مستقبل ایک مثبت سیاسی کلچر میں فروغ پائے جہاں اختلافات کو مذاکرات اور مشاورت کے ذریعے حل کیا جائے،انہوں نے کہا کہ پاکستان مرکزی مسلم لیگ پاکستان میں جمہوریت کی بہتری کے لیے تحریک انصاف اور حکومت کے درمیان جاری مزاکرات کو جاری رکھنے کی خواہش مند ہے تا کہ ملک میں عدم استحکام کی فضا کو ختم کیا جائے.
انسانی سمگلنگ میں ملوث بدنام زمانہ چنیوٹی گینگ کا اہم سرغنہ گرفتار
عافیہ صدیقی کی رحم کی اپیل مسترد،اسلام آباد ہائیکورٹ کو آگاہ کر دیا گیا
