کوٹری:کراچی سےلاہورجانے والی ملت ایکسپریس کی3 بوگیاں کوٹری ریلوے اسٹیشن کے قریب پٹری سے اتر گئیں، حادثے کے باعث ٹرینوں کی آمد و رفت متاثر ہوگئی۔
ریلوے حکام کے مطابق بوگیاں ڈی ریل ہونے کے باعث ریلوے ٹریفک متاثر ہوگیا البتہ حادثے میں کوئی شخص زخمی نہیں ہوا۔ حادثے کا شکار ملت ایکسپریس کراچی سے لاہور جا رہی تھی۔
ریلوے حکام کا کہنا تھا کہ کوٹری اسٹیشن کے قریب ملت ایکسپریس حادثے کے بعد کراچی سے پنڈی جانے والی گرین لائن اپ کو بولہاری اسٹیشن پر روک لیا گیا جبکہ ہزارہ ایکسپریس کو ڈاؤن ٹریک پر حیدرآباد ریلوے اسٹیشن پر روک لیا گیا۔
