پاکستان تحریک انصاف ( پی ٹی آئی ) نے چیف سیکرٹری پنجاب کو مینار پاکستان پر جلسے کی درخواست دیدی ہے۔
باغی ٹی وی کے مطابق درخواست میں کہا گیا ہے کہ ڈپٹی کمشنر لاہور کو جلسے کی اجازت کیلئے بار بار درخواست دی ہے لیکن ڈپٹی کمشنر لاہور کی جانب سے درخواست پر کوئی کارروائی نہ کی گئی۔ نائب صدر پی ٹی آئی پنجاب اکمل خان باری نے جلسے کی اجازت کیلئے درخواست جمع کروا ئی۔درخواست میں کہا گیا ہے کہ پاکستان تحریک انصاف (پی ٹی آ ئی ) مینار پاکستان پر پرامن جلسہ کرنے کی خواہاں ہے،گزارش ہے کہ پی ٹی آئی کو جلسے کی اجازت دی جائے۔
واضح رہے کہ اس سے قبل ڈپٹی کمشنر (ڈی سی) لاہور نے ملک میں امن و امان کی سنگین صورتحال کے پیش نظر مینار پاکستان پر جلسہ کرنے کی پاکستان تحریک انصاف (پی ٹی آئی) کی درخواست مسترد کردی تھی۔ پی ٹی آئی نے 22 مارچ کو اپنے نائب صدر پنجاب اکمل خان باری کے ذریعے اجازت کے لیے درخواست دی تھی۔ حکم نامے میں ڈی سی سید موسیٰ رضا نے کہا کہ درخواست مسترد کرنے کا فیصلہ ڈسٹرکٹ انٹیلی جنس کمیٹی (ڈی آئی سی) کی سفارش پر کیا گیا ہے۔ڈی آئی سی کا کہنا تھا کہ پی ٹی آئی کو 22 مارچ کو جلسے کی اجازت دینا سیکیورٹی خطرات کے پیش نظر ممکن نہیں ہوگا۔
کراچی شہر سے محبت کرنے والوں کے ساتھ ناانصافی ہورہی ہے، آفاق احمد
مشاورت کے بغیر بنے بجٹ کو ووٹ نہیں دیں گے، بلاول بھٹو
بجلی کی قیمت مزید 6 روپے کم کروا لیں گے،فاروق ستار
میکسیکو کے سیوریج سسٹم نے امریکہ کو پریشان کر دیا
کراچی چیمبر کا بجلی نرخوں میں کمی کےاعلان کا خیرمقدم