fbpx

منال خان اور احسن محسن کو ساتھی فنکاروں کی جانب سے منگنی کی مبارکباد

شوبز انڈسٹری کی نئی جوڑی منال خان اور احسن محسن اکرام کی منگنی کی تقریب کی تصاویر اور ویڈیوز سوشل میڈیا پر وائرل ہوگئیں جبکہ شوبز ستاروں کی جانب سے بھی مبارکباد اور نیک خواہشات کا اظہار کیا جا رہا ہے-

باغی ٹی وی : گزشتہ روز منال خان اور احسن محسن اکرام کی منگنی کی باقاعدہ تقریب کا انعقاد کیا گیا تھا جس میں چند شوبز ستاروں سمیت عزیز و اقارب نے شرکت کی۔

اپنی زندگی کے اس خاص موقع پر منال خان نے پستہ رنگ کا خوبصورت عروسی لباس زیب تن کیا جبکہ اُن کے منگیتر احسن محسن نے آف وائٹ رنگ کے لباس کا انتخاب کیا۔

منال خان نے اپنے تصدیق شدہ انسٹاگرام اکاؤنٹ پر کچھ تصویریں شیئر کیں جن میں سے ایک تصویر میں احسن محسن نے منال کا ہاتھ پکڑا ہوا ہے۔

منال خان نے اس پوسٹ کے کیپشن میں لکھا کہ ’میرا۔‘

ایک تصویر میں احسن محسن اور منال لال رنگ کی گاڑی کے پاس کھڑے ہیں اور اس تصویر کے کیپشن میں اداکارہ نے لکھا کہ ’منال احسن-

دوسری جانب احسن محسن اکرام نے بھی اپنے انسٹاگرام اکاؤنٹ پر اپنی منگنی کی تقریب کی تصویریں شیئر کیں۔

منال خان اور احسن محسن اکرام کی منگنی کی تصویروں اور ویڈیوز کو مداحوں نے فین پیجز پ بھی شئیر کیا-

اس جوڑی کو جہاں کروڑوں مداحوں کی جانب سے منگنی کی مبارکبادیں موصول ہو رہی ہیں وہیں پاکستان شوبز انڈسٹری کی معروف شخصیات کی جانب سے دونوں کے لیے نیک تمناؤں کا اظہار کیا جا رہا ہے ۔

یاسر حسین نے اپنے انسٹاگرام اکاؤنٹ کی اسٹوی پر منال خان اور احسن محسن اکرام کی ایک خوبصورت تصویر شیئر کرتے ہوئے لکھا ہے کہ بہت بہت مبارک ہو، اللہ آپ کو ہمیشہ خوش رکھے۔


اداکارہ صنم بلوچ نے اپنے تصدیق شدہ انسٹاگرام اکاؤنٹ پر اسٹوری میں منال خان اور احسن محسن اکرام کی منگنی کی تقریب کی تصویر شیئر کی جس میں یہ جوڑی بہت خوش نظر آرہی ہے۔

اداکارہ نے تصویر شیئر کرتے ہوئے لکھا کہ ’ماشاءاللہ! یہ دونوں ایک دوسرے کے لیے ہی بنے ہیں۔

اُنہوں نے مزید لکھا کہ ’منال خان اور احسن محسن کو منگنی کی بہت مبارک ہو، اللہ تعالیٰ تُم دونوں کو ہمیشہ خوش رکھے۔

خیال رہے کہ گہری دوستی رکھنے والی شوبز انڈسٹری کی معروف جوڑی منال خان اور احسن محسن نے حال ہی میں اپنی بات پکی ہونے کا اعلان کیا تھا۔