مرکزی مسلم لیگ کے 2 نومبر کو مینار پاکستان پر ہونے والے ورکرز کنونشن کی تیاریاں بھر پورطریقے سے جاری ہیں،کنونشن کی کامیابی کے لئے ملک بھر میں اجلاسوں، مشاورتی ملاقاتوں، اور تنظیمی سرگرمیوں کا سلسلہ زور و شور سے جاری ہے، اسلام آباد،سندھ، پنجاب، خیبر پختونخوا کے مختلف شہروں میں ورکرز کنونشن کی تیاریوں کے سلسلے میں اجلاسوں کا انعقاد کیا گیا،مسلم یوتھ لیگ بھی ورکرز کنونشن کی کامیابی کے لئے متحرک ہے
اسلام آباد میں صدر مرکزی مسلم لیگ انعام الرحمٰن کمبوہ کی زیرصدارت اجلاس منعقد ہوا جس میں مختلف یونین کونسلز اور وارڈز کے ذمہ داران نے شرکت کی، انہوں نے ورکرز کنونشن میں بھرپور شرکت کا عزم ظاہر کیا،شیخوپورہ میں مرکزی مسلم لیگ ہاؤس میں پنجاب کے صدر چوہدری محمد سرور کی زیرصدارت اجلاس ہوا جس میں موجودہ ملکی سیاسی صورتحال پر بات چیت اور ورکرز کنونشن کی تیاریوں کا جائزہ لیا گیا۔کنگن پور میں مسلم یوتھ لیگ کے زیراہتمام یوتھ کنونشن کا انعقاد کیا گیا جس میں نوجوانوں کی بڑی تعداد نے شرکت کی۔حیدرآباد میں مسلم اسٹوڈنٹس لیگ کی جانب سے اقصیٰ آڈیٹوریم میں اجلاس ہوا،جس میں ورکرز کنونشن کی کامیابی کے لئے اہداف دیئے گئے، گوجرانوالہ میں مختلف وارڈز، شعبہ خدمتِ خلق، اور نوجوانوں کی ٹیموں کی جانب سے میٹنگز کا انعقاد کیا گیا۔ قاری سلمان یوسف، شعیب چوہدری اور سردار محمد وسیم نے کنونشن کے حوالے سے کارکنان کو اہداف دیے،فیصل آباد میں مسلم یوتھ لیگ کے صدر حارث ڈار، عدیل عامر اور ایوب گلوتر کی زیرصدارت تنظیمی اجلاس میں کنونشن کی تیاریوں کا جائزہ لیا گیا۔ خیبر پختونخوا کے صوبائی صدر عارف اللہ خٹک، مجیب الرحمن اور عبداللہ آفریدی نے تحصیل جمرود میں اجلاس میں شرکت کی،اس موقع پر شرکا نے مینار پاکستان ورکرز کنونشن میں بھرپور شرکت کا اعلان کیا۔ مرکزی مسلم لیگ راولپنڈی کے مرکزی سیکرٹریٹ میں تنظیمی شعبہ جات، لائرز فورم اور سٹی سطح کے ذمہ داران کے الگ الگ اجلاس ہوئے، جس میں ورکرز کنونشن میں بھر پور طریقے سے شرکت یقینی بنانے کے فیصلے کئے گئے،
