منسک (کامران اشرف ) پاکستانی سفارتخانہ منسک میں 30ویں بین الاقوامی نمائش “پروڈ ایکسپو 2024” میں “فلیورز آف پاکستان” کی شاندار نمائش کی، نمائش بیلاروسین شہریوں سمیت مہمانوان کی کثیر تعداد نے شرکت کی۔ پاکستانی روایتی کھانوں نے نمائش میں اپنی دھوم مچا دی
اس موقع پر پاکستانی سفیر بیلاروس، سجاد حیدر خان نے خطاب کرتے ہوئے کہا کہ پاکستان کی ثقافتی وراثت میں ہمارے کھانے ایک اہم مقام رکھتے ہیں، جو ہماری تاریخ، جغرافیہ اور روایات کی عکاسی کرتے ہیں۔ یہ تقریب پاکستان اور بیلاروس کے درمیان تعلقات کو مضبوط کرنے کے لیے ایک اہم قدم ہے، اور ہمیں خوشی ہے کہ ہم اپنی ثقافت کو یہاں کے عوام کے سامنے پیش کر رہے ہیں۔
پروگرام میں پاکستان پر دستاویزی فلمیں دکھائی گئیں، گلاب جامن سمیت پاکستانی کھانے بنانے کی تربیتی کلاس کا بھی اہتمام کیا گیا، اور پاکستانی کھانوں کی ثقافتی وراثت گفتگو کی گئی۔ اس موقع پر بیلاروسی گلوکارہ تاتیانہ کریمس اور اور پرفارمر علینہ خان نے اپنی شاندار پرفارمنس سے حاضرین کو محظوظ کیا۔ تقریب کے اختتام پر مہمانوں کی تواضع چکن بریانی، سموسے، گاجر کا حلوہ، گلاب جامن، اور جلیبی سمیت پاکستانی کھانوں سے کی گئی
