میرپور خاص (باغی ٹی وی نامہ نگار سید شاہزیب شاہ) ایس ایس پی میرپور خاص جناب شبیر احمد سیٹھار کی جانب سے تھلیسمیا کے بچوں کے لیے خون عطیہ کرنے کی مہم کا انعقاد کیا جا رہا ہے۔ یہ مہم تھلیسمیا پیشنٹ ویلفیئر سوسائٹی کے تعاون سے کل بروز ہفتہ، مورخہ 26 اکتوبر 2024 کو پولیس ڈسپنسری پولیس لائن میں کی جائے گی۔
ایس ایس پی میرپور خاص نے تمام پولیس افسران اور جوانوں سے درخواست کی ہے کہ وہ اس مہم میں بھرپور شرکت کریں، کیونکہ یہ ایک صدقہ جاریہ ہے۔ انہوں نے کہا کہ ایک انسان کی جان بچانا پوری انسانیت کو بچانے کے برابر ہے۔
