میرپورخاص (نامہ نگارسید شاہزیب شاہ) میرپورخاص تعلیمی بورڈ کے زیر اہتمام سالانہ امتحانات 2025 کے آغاز کے ساتھ ہی نقل کی روایت برقرار رہی۔ دسویں جماعت کے انگلش کے پرچے کے دوران نقل عروج پر رہی، اور طلبہ موبائل فون کے ذریعے کھلے عام پرچہ حل کرتے نظر آئے۔
کمپری ہینسو ہائیر سیکنڈری اسکول کی پرنسپل نوشین اقبال نے بتایا کہ سینٹر میں 300 سے 450 طلبہ کی گنجائش ہے، لیکن 600 سے زائد طلبہ امتحان دے رہے ہیں۔ فرنیچر کی کمی کے باعث کچھ طلبہ زمین پر بیٹھے نظر آئے۔ پرنسپل کے مطابق یہ مدرسے کے طلبہ تھے اور انہوں نے خود زمین پر بیٹھنے کو ترجیح دی۔
انچارج امتحانات نے بتایا کہ سینٹر میں 790 طلبہ امتحان دے رہے ہیں اور امتحانات پرامن ماحول میں ہو رہے ہیں۔ انہوں نے کہا کہ ابھی تک کوئی شکایت موصول نہیں ہوئی ہے اور جگہ کی کمی کے باوجود طلبہ کو خوشگوار ماحول فراہم کیا گیا ہے۔
میرپورخاص: بورڈ امتحانات، نقل عروج پر، سہولیات کا فقدان
