میرپورخاص (باغی ٹی وی نامہ نگار سید شاہزیب شاہ) دیسی شراب کی بھٹی پر چھاپہ، 7,960 لیٹر شراب برآمد، 3 ملزمان گرفتار
ایس ایس پی میرپورخاص شبیر احمد سیٹھار کے احکامات پر انچارج ڈی آئی بی جواد دل اور ایس ایچ او ڈگری پولیس اسٹیشن انسپکٹر سلیم سراج سموں کی قیادت میں بڑی کارروائی کرتے ہوئے دیسی شراب کی بھٹی پر چھاپہ مارا گیا۔
کارروائی کے دوران 7,960 لیٹر دیسی شراب اور چار لاوارث موٹر سائیکلیں برآمد کی گئیں۔ موقع پر موجود تین ملزمان، نور محمد عرف نورو کمبھار، منور علی کمبھار، اور سکندر علی کمبھار کو گرفتار کر لیا گیا۔
پولیس نے ملزمان کے خلاف مقدمہ نمبر 06/2025 زیر دفعہ 3/4 PEHO ڈگری پولیس اسٹیشن پر درج کر لیا ہے، اور مزید تفتیش جاری ہے۔ پولیس کی اس کارروائی کو علاقے میں غیر قانونی سرگرمیوں کے خاتمے کی طرف ایک اہم پیشرفت قرار دیا جا رہا ہے۔
