تاریخ پیدائش:28 جون 1927ء
تاریخ وفات:17 مارچ 2002ء
شہریت:مصر
پیشہ:مصنف
ثروت اباظہ کا پورا نام ثروت دسوقی اباظہ ہے۔ وہ مصر کے جانے مانے صحافی اور ناول نگار تھے۔ وہ محافظہ الشرقیہ کی بڑی شخصیتوں میں شمار ہوتے ہیں۔ انھوں نے عربی زبان و ادب کی بہت خدمت کی ہے۔ ان کا تعلق اباظہ خاندان سے ہے جو مصر کا علمی و ادبی خاندان تصور کیا جاتا ہے۔ ان کے والد دسوقی اباظہ ادیب تھے اور چچا عزیز اباظہ شاعر ہیں۔ ان کے ایک اور چچا فکری اباظہ بھی ادیب اور کاتب تھے۔ ان کا شہرہ آفاق ناول” ارب من الأيام” ہے جو 1960ء کی دہائی میں ٹی وی پر بھی نشر ہوا تھا۔
ادبی زندگی
۔۔۔۔۔۔۔
ثروت اباظہ نے جامعہ فواد اول سے 1950ء میں قانون میں گریجویشن کیا اور بطور وکیل اپنے کیرئر کی شروعات کی۔ وہ محض 16 برس کے تھے کہ ادب میں دلچسپی لینی شروع کر دی تھی۔ انہوں نے کم عمری میں ہی افسانہ لکھنا شروع کردیا تھا اور ان کی کہانی اور افسانے ریڈیو پر نشر ہونے لگے۔ اس کے بعد انھوں نے ناول کی جانب رخ کیا۔ انھوں نے ایک تاریخی قصہ” ابن عمار” لکھا اور اس کے بعد ایک ڈراما” الحیاۃ لنا” (ہماری زندگی) لکھا۔
وہ 1974ء میں مجلہ "الاذاعہ والتلفزيون” کے رئیس التحریر بنے اور 1975ء تا 1988ء مجلہ” اہرام” کے ادبی شعبہ کے صدر رہے۔ وہ مجلس شوریٰ کے معتمد بھی رہے۔ انھوں نے متعدد ناول، قصے، فلمی کہانی، ڈراما لکھے۔ ان کے کئی ناول بعد میں فلمائے بھی گئے اور متعدد ریڈیو پر نشر ہوئے۔
17 مارچ 2002ء کو بعمر 74 انتقال کرگئے۔
