میانمار میں فوج کی فضائی بمباری کے نتیجے میں 50 سے زائد افراد ہلاک

میانمار میں فوج کی فضائی بمباری کے نتیجے میں 50 سے زائد افراد ہلاک ہوگئے۔

باغی ٹی وی: غیرملکی خبررساں ایجنسی کے مطابق میانمار کے شمال مغربی علاقےساگانگ میں منگل کوفوج نےفضائی حملےکیے، حملے میں ایک ہال کو بھی نشانہ بنایا گیا جہاں ایک تقریب جاری تھی فوجی فضائی حملے میں 53 افراد کے ہلاک ہونے کی اطلاعات ہیں، جن میں 15 خواتین، بچوں اور عام شہریوں کی بڑی تعداد بھی شامل ہے۔

امریکی کانگریس رہنما کاعمران خان کےحق میں امریکی وزیرخارجہ کو خط

غیر ملکی میڈیا رپورٹس کے مطابق فضائی بمباری میں اس علاقے کو نشانہ بنایا گیا جہاں میانمار کی فوجی حکومت کی مخالفت کی جاتی ہے2021 میں اقتدار میں آنے کے بعد میانمار کی فوج کی جانب سے اپنے مخالفین پر فضائی بمباری میں اضافہ ہو رہا ہے۔

اقوام متحدہ کے سیکرٹری جنرل انتونیو گوتریس نےمیانمار کی مسلح افواج کےحملے کی شدید مذمت کرتےہوئے فوج سے پرتشدد کارروائیاں روکنےکا مطالبہ کیا ہےاقوام متحدہ کے انسانی حقوق کے ہائی کمشنر وولکر ترک نے میانمار میں فضائی حملوں پر تشویش کا اظہار کرتے ہوئے کہا ہے کہ ذمہ داروں کو انصاف کے کٹہرے میں لایا جائے۔

ناسا نے فضائی آلودگی کا جائزہ لینے والا سیٹلائٹ لانچ کر دیا