میرپورماتھیلو:موبائل فون کمپنی نے جروار شہر میں نصب ٹاور کہیں اور منتقل کردیا ،نیٹ ورک نہ ہونے سے صارفین مشکلات کا شکار

میرپورماتھیلو،باغی ٹی وی (نامہ نگار مشتاق لغاری)موبی لنک موبائل فون کمپنی نے جروار شہر میں نصب ٹاور کہیں اور منتقل کردیا ،نیٹ ورک نہ ہونے سے صارفین مشکلات کا شکار،

تفصیل کے مطابق تحصیل میرپورماتھیلوکے شہرجروار میں نصب ٹاور موبائل فون کمپنی موبی لنک نے اتار لیا ہے اور ذرائع کا کہنا ہے وہ موبائل فون ٹاور کسی بااثر شخصیت کے حکم پر دوسری جگہ منتقل کردیا گیا ہے ،

ٹاور نہ ہونے جاز نیٹ ورک بری طرح متاثر ہوا ہے ،نہ پورے شہر میں انٹرنیٹ کی سروس صحیح چل رہی ہے اور نہ ہی موبائل فون سے کال ہوپارہی ،اکثرکال ڈراپ ہوجاتی ہے

انٹرنیٹ سروس نہ ہونے سے سب سے زیادہ طلباء اور کاروباری طبقہ متاثرہوا ہے جنہیں مشکلات کا سامنا ہے ،شہریوں پاکستان ٹیلی کمیونی کیشن کے اعلیٰ حکام سے سیلولرکمپنی موبی لنک کیخلاف نوٹس لینے کامطالبہ کیا ہے