پانی کا قطرہ بھی روکا تو پاکستانی قوم ایک بار افواج پاکستان کے ہمراہ تیار ہے، خالد مسعود سندھو
پاکستان مرکزی مسلم لیگ کے صدر خالد مسعود سندھو نے دریائے چناب پر بھارتی آبی جارحیت اور رنبیر کینال کی توسیع جیسے منصوبوں پر کہا ہے کہ مودی سرکار میدان جنگ میں ناکامی رافیل کی تباہی دیکھ کر میدان سے بھاگ چکی ، اسی شکست کا بدلہ وہ اب پاکستان کے حصے کا پانی روک کر لینا چاہتی ہے،پاکستانی قوم بھارتی کسی بھی جارحیت کا جواب دینے کو تیار ہے.
خالد مسعود سندھو کا مزید کہنا تھا کہ دریاؤں کا رخ موڑنا جنگی جنون کی نئی شکل ہے، اور پاکستان اس وار کو کبھی برداشت نہیں کرے گا۔ یہ مودی کا نیا ہتھکنڈہ ہے جو اس کی سفارتی، فوجی اور معاشی ناکامیوں کا ثبوت ہے۔ اگر بھارت نے ایک قطرہ بھی پاکستان کی طرف آنے والے پانی کو روکنے کی کوشش کی توبنیان مرصوص کی طرح منہ توڑ جواب ملےگا،پاکستانی قوام افواج پاکستان کے ہمراہ بھارت کو ایسا سبق سکھائیں گی جو اس کی نسلیں یاد رکھیں گی، پاکستان پانی کے دفاع کے لیے ہر میدان میں جانے کو تیار ہے، وقت آ گیا ہے کہ صرف مذمت نہیں،مودی کی آبی جارحیت کو بھی عملی اقدامات کے ذریعے خاک میں ملایا جائے،پاکستانی قوم بھارتی آبی جارحیت کا بھی منہ توڑ جواب دینے کو تیار ہے،پاکستان کی زراعت کو تباہ کرنے کی مودی کی مذموم خواہش کبھی پوری نہیں ہو گی،
