الحمرا ہال لاہورمیں لاہورلٹریچرفیسٹیول کےدوسرے دن مسلم لیگ (ن) کے سینیئر رہنما و سابق وزیراعظم شاہد خاقان عباسی نے خصوصی نشست میں گفتگو کی-
باغی ٹی وی: شاہد خاقان عباسی نے کہا ہے کہ آئین توموجود ہے لیکن اس کی بالادستی قائم کرنا بھی ضروری ہے، ملکی سیاسی تاریخ میں صرف 4 لیڈرز ذوالفقار علی بھٹو، نواز شریف، بے نظیر بھٹو اور عمران خان آئے ہیں، اسٹیبلشمنٹ سمیت سبھی کو سیاسی معاملات حل کرانا ہوں گے، تاخیر ملکی مفادمیں نہیں۔
لیگی رہنما کا کہنا تھاکہ بدقسمتی سے اسٹیبلشمنٹ کیلئے کرپٹ لوگ زیادہ قابل قبول ہیں، با نسبت ان لوگوں کے جو کردار والے ہیں، پاکستان میں اسٹیبلشمنٹ مسئلے کا حل نہیں بلکہ خود ایک مسئلہ ہے،موجودہ سیاسی نظام میں چیلنجز کا مقابلہ کرنے کی صلاحیت نہیں-
شاہد خاقان عباسی نےکہا کہ بیوروکریسی میں بھی متعلقہ وزارتوں کےمسائل حل کرنے کی اہلیت نہیں،وفاقی ملازمین مراعات کیلئےصوبوں میں کام کرنےکےخواہشمند ہوتے ہیں یہ عوام کی صوابدید ہےپارلیمنٹ میں کسےہونا چاہیے مگرایسا ہوتا نہیں ہے، 50 فیصد سینیٹرز نشستیں خرید کر سینیٹ میں پہنچتے ہیں۔
ان کا کہنا تھاکہ سبھی جانتے ہیں کہ پاکستانی سیاست پر عدلیہ اور اسٹیبلشمنٹ اثر انداز ہوتے ہیں لیکن اب سب کو مل کر آئین اورقانون کی بالادستی یقینی بناناہوگی۔
