مولانا کو کون کون "استعمال” کر رہا ہے، زرتاج گل نے کیا انکشاف

دنیا جانتی ہے مولانا فضل الرحمان پہلی مرتبہ بے روز گار ہوئے ہیں اور انہیں اسلام سے زیادہ اسلام آباد کی فکر ہے

اسلام آباد ۔ 9 اکتوبر (اے پی پی) وزیر مملکت برائے موسمیاتی تبدیلی زرتاج گل نے کہا ہے کہ مولانا فضل الرحمان کو اسلام سے زیادہ اسلام آباد کی فکر ہے، حکومت ان کے مارچ میں رکاوٹ پیدا نہیں کر ے گی، ملک کے عوام باشعور ہیں وہ ان کا ساتھ نہیں دیں گے، جس نے بھی ملکی دولت لوٹی ہے اسے حساب دینا پڑے گا، حکومت اپنی رٹ قائم کرنا جانتی ہے۔

ان خیالات کا اظہار انہوں نے بدھ کو ”اے پی پی” سے بات چیت کرتے ہوئے کیا۔ زرتاج گل نے کہا ہے کہ 27 اکتوبر کو بھارت نے کشمیر پر غاصبانہ قبضہ کیا تھا اور پاکستان میں یہ دن یوم سیاہ کے طورپر منایا جاتا ہے، مولانا فضل الرحمان بتائیں وہ اس دن اسلام آباد کیا کرنے آرہے ہیں۔

حکومت کی اپیل مسترد،جے یو آئی ڈٹ گئی، کہا ایسا نہیں ہو سکتا

آزادی مارچ، مولانا فضل الرحمان نے تاریخ کا اعلان کر دیا،کہا روکا تو پاکستان جام کر دیں گے

انہوں نے کہا کہ دنیا جانتی ہے مولانا فضل الرحمان پہلی مرتبہ بے روز گار ہوئے ہیں اور انہیں اسلام سے زیادہ اسلام آباد کی فکر ہے، ہمیں ان کی تشویش سمجھ آرہی ہے وہ پہلی مرتبہ حکومت سے باہر ہوئے ہیں۔ انہوں نے کہا کہ مسلم لیگ (ن) اور پاکستان پیپلز پارٹی نے اب فیصلہ کرنا ہے کہ انکا لیڈر مولانا ہے یا وہ مولانا کو استعمال کررہے ہیں۔

آزادی مارچ میں زرتاج گل کریں گی شرکت، اور وہاں کیا کریں گی؟ خبر سن کر مولانا بھی پریشان