ایف آئی اے فیصل آباد زون کی کارروائی، منی لانڈرنگ میں ملوث ملزم کو 2 سال قید اور جرمانے کی سزاسنا دی گئی
ایف آئی اے اینٹی منی لانڈرنگ سرکل فیصل آباد نے سال 2022 میں مقدمہ درج کیا تھا،ایڈیشنل سیشن جج – I فیصل آباد اقبال ہرل نے مقدمے کی سماعت مکمل کرتے ہوئے ملزم کو سزا سنائی کی۔عدالت نے منی لانڈرنگ میں ملوث ملزم خالد محمود کو 2 سال قید، 50 ہزار روپے جرمانہ اور غیر قانونی کمائی کی ضبطگی کی سزا سنائی گئی۔عدالتی فیصلے کے مطابق ملزم خالد محمود غیر قانونی طور پر غیر ملکی کرنسی کی خرید و فروخت اور حوالہ ہنڈی کے کاروبار میں ملوث پایا گیا۔عدالت نے ملزم کو 2 سال قید، 50 ہزار روپے جرمانہ اور غیر قانونی رقوم کی ضبطگی کی سزا سنائی، ضبطگی رقوم میں 2,200 سعودی ریال، 1,400 عراقی دینار، 200 امریکی ڈالر اور 150 یورو شامل ہیں۔
اسسٹنٹ ڈائریکٹر صفیان دلبر نےمقدمے کی تحقیقات کو مکمل کر کے چالان جمع کرایا، جبکہ مقدمے کی پیروی اسسٹنٹ ڈائریکٹر لیگل عاصمہ سعدیہ نے کی۔یہ کارروائی ڈپٹی ڈائریکٹر اینٹی منی لانڈرنگ محمد ہاشم رضا کی نگرانی میں عمل میں لائی گئی۔یہ کامیابی ایف آئی اے اینٹی منی لانڈرنگ سرکل فیصل آباد کی پیشہ ورانہ صلاحیت اور قانون پر عمل درآمد کے عزم کا مظہر ہے۔
